IDARA YA KATIBA YAANZA KUKUSANYA MAONI UANZISHWAJI MFUMO WA TAKWIMU



NA HAJI NASSOR, PEMBA@@@@

IDARA ya Katiba na Msaada wa Kisheria Zanzibar, inafikiria kuja na mfumo wa kisasa wa ukisanyaji wa takwimu, kwa watoa msaada wa kisheria, ili kuwa na takwimu za uhakika na zilizosalama.

Kauli hiyo imetolewa leo Oktoba 15, 2026 na Wakili wa serikali kutoka Idara ya Katiba na Msaada wa Kisheria Zanzibar, Moza Rajab Baraka, alipokuwa akifungua kikao kazi, cha ukusanyaji maoni, kuelekea upatikanaji mfumo huo, kilichofanyika Gombani Chakechake.

Alieleza kuwa, ujio wa mfumo huo, utawawezesha watoa msaada wa kisheria na  na wadau wengine wingine, wanaohitaji takwimu sahihi za elimu, ushauri na msaada wa kisheria, kuzipata kwa uhakika na haraka.

Alifafanua kuwa, kwa sasa upatikanaji wa takwimu hizo, umekuwa sio wa uhakika, na wakati mwingine hata kucheleweshwa kwa wanaozihitaji, kwa matumizi mbalimbali.

‘’Kwa sasa takwimu za wanaopata msaada au elimu ya kisheria, zipo ingawa sio katika eneo salama, kama zilivyo takwimu nyingine,’’alieleza.



Mapema Wakili wa serikali kutoka Idara ya Katiba na Msaada wa kisheria Zanzibar, Yusfa Abdalla Said, alisema mfumo huo ni tegemeo la utunzaji wa takwimu na zikiwa salama zaidi.

Alisema, Idara inaendelea kukusanya maoni kwa wadau wake mbalimbali, ili kuhakikisha inakuwa na mfumo maalum wa upatikanajiwa takwimu.







Alisema, lengo la Idara kutaka kuanzisha mfumo huo wa kidigital, ni kuwa na takwimu sahihi na za uhakika, zikiwa zinalindwa kisheria.

Jingine, alisema ni kubaini makundi ambayo hayajafikiwa au yanataka kufikiwa kwa ajili ya kupatiwa elimu, ushauri na msaada wa kisheria.

‘’Mfumo huu ambao tunaendelea kupokea maoni, ya jinsi gani uwe, tunategemea utatusaidia pia, kupata takwimu za mwaka, ambazo zitatumika kwa ajili ya matumizi ya kazi nyingine,’’alifafanua.

Akitoa maoni yake, Afisa kutoka Afisi ya Mtakwimu Mkuu wa serikali Pemba Mussa Alawi Mohamed, amewakumbusha kuwa, bado takwimu zote ziko chini ya ofisi hiyo.

Alisema, lazima Idara irudi tena kwa ofisi hiyo, kwa ajili ya kuungana pamoja,  ili zinapotoka kwa ajili ya matumizi ziwe zinanasibishwa moja kwa moja na ofisi ya Mtakwimu mkuu wa serikali.



Nae Msaidizi wa sheria kutoka Jumuiya ya wasaidizi wa sheria wilaya ya Mkoani Shaban Juma Kassim, alisema kama mfumo huo ukianza, takwimu ziwe zinaangalia kijiografia, kuanzia kijiji, shehia hadi ngazi ya taifa.

Wakili wa serikali kutoka Afisi ya Mwanasheria Mkuu wa serikali Pemba Safia Saleh Sultan, alisema jambo hilo ni jema, linalokusudiwa kufanywa na Idara ya Katiba na Msaada wa Kisheria.



Mwanasheria kutoka Chuo cha Mafunzo Pemba, Amir Iddi Omar, alishauri kuongezwa idadi ya wajumbe kwenye timu ya kitaalamu ya uanzishwaji wa kuelekea mfumo huo.

Afisa sheria kutoka Idara ya Katiba na Msaada wa Kisheria Zanzibar Salma Suleiman Abdulla, alisema hawakupenda kuwa na mfumo wa majaribio, kabla ya kupokea maoni ya wajumbe.

‘’Tuliona kuwa, kwanza tukusanye maoni ya wadau, ili tuone wanataka uweje mfumo huo, na kisha tutakwenda kuuanzisha na kuuleta tena kwa wadau kwa maoni zaidi,’’alifafanua.

Idara ya Katiba na Msaada wa Kisheria Zanzibar iliyoanzishwa chini ya sheria nambari 13 ya mwaka 2018, ina kazi ya kuratibu, kusimamia na kuendesha huduma za masaada wa kisheria Zanzibar, ambapo kwa sasa inakusanya maoni juu ya uanzishwaji wa mfumo wa ufuatiliaji, tathmini na usimamizi wa takwimu za msaada wa kisheria.

                 Mwisho  

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

WAJUMBE SHEHIA MVUMONI WAPIGWA MSASA ELIMU YA KISHERIA

Image
    NA MWANDISHI WETU, PEMBA   WAJUMBE wa sheha wa shehia ya Mvumoni wilaya ya Chake chake, wameelezwa kuwa, suala la haki za binaadamu sio la kuomba, bali ni haki ya kila mmoja, kwa ubinaadamu wake.   Mkurugenzi wa Jumuiya ya wasaidizi wa sheria wilayani humo ‘CHAPO’ Mohamed Hassan Abdall, aliyasema hayo leo Disemba 7, 2025 wakati akiwasilisha mada ya haki za binaadamu, kwa wajumbe hao, kwenye mafunzo ya siku moja.   Alisema, haki za binaadamu, ni haki zote anazostahiki mtu, kwa sababu ya kuwepo kwake duniani, ikiwemo uhai, matibabu, afya, elimu, utaifa na uzalendo.   ‘’Niwaombe sana wajumbe wetu wa shehia ya Mvumoni, kwanza elimu hii mkawafikishie na wingine, maana haki za binaadamu ni zote,’’alieleza.   Akizungumzia faida za kufanya sulhu kwa kesi za madai kama vile, huduma za mke, watoto, migogoro ya ardhi, mirathi na madeni, alisema inaondosha visasi. Alifahamisha, kuwa ndio maana, wamempeleka msaidizi wa sheria katika eneo lao...
Read more

MRAJISI WA NGOs: ‘ZAPONET’ JIPANGENI KUJITEGEMEA WENYEWE

Image
    NA HAJI NASSOR, UNGUJA@@@@ MRAJISI wa asasi za kiraia Zanzibar Ahmed Khalid Abdulla, amesema mtandao wa wasaidizi wa sheria Zanzibar ‘ZAPONET’ ianze sasa kujipanga vyema kuhakikisha wanajiendesha wenyewe, na sio kutegemea wafadhili. Mrajisi huyo aliyasema hayo leo Januari 25, 2026 ukumbi wa Malaria Mwanakwerekwe Unguja, wakati akiufungua mkutano mkuu wa kwanza wa mwaka ‘ZAPONET’, uliokuwa na malengo kadhaa, ikiwemo mapatio ya katiba na uwasilishaji wa ripoti za wanachama wao. Alisema, ZAPONET ni muhimili muhimu kwa jumuia za wasaidizi wa sheria, lakini kikubwa kwa sasa ni kujipanga mapema, ili kujiendesha yenyewe na kutoa usaidizi kwa wanachama wao. Alieleza kuwa, msingi wa wasaidizi wa sheria kutoa elimu, ushauri na msaada wa kisheria kwa jamii bila ya malipo, inazingalia sana jumuia zao pamoja na mtandao huo, katika kuwajengea uwezo. Alifafanua kuwa, ingawa kwa sasa wanaendelea kushikwa mkono na taasisi ya LSF, na kufanya vizuri katika utendaji wao wa kazi. ‘’...
Read more