WAJUMBE SHEHIA MVUMONI WAPIGWA MSASA ELIMU YA KISHERIA

 

 

NA MWANDISHI WETU, PEMBA

 WAJUMBE wa sheha wa shehia ya Mvumoni wilaya ya Chake chake, wameelezwa kuwa, suala la haki za binaadamu sio la kuomba, bali ni haki ya kila mmoja, kwa ubinaadamu wake.

 

Mkurugenzi wa Jumuiya ya wasaidizi wa sheria wilayani humo ‘CHAPO’ Mohamed Hassan Abdall, aliyasema hayo leo Disemba 7, 2025 wakati akiwasilisha mada ya haki za binaadamu, kwa wajumbe hao, kwenye mafunzo ya siku moja.

 



Alisema, haki za binaadamu, ni haki zote anazostahiki mtu, kwa sababu ya kuwepo kwake duniani, ikiwemo uhai, matibabu, afya, elimu, utaifa na uzalendo.

 

‘’Niwaombe sana wajumbe wetu wa shehia ya Mvumoni, kwanza elimu hii mkawafikishie na wingine, maana haki za binaadamu ni zote,’’alieleza.



 


Akizungumzia faida za kufanya sulhu kwa kesi za madai kama vile, huduma za mke, watoto, migogoro ya ardhi, mirathi na madeni, alisema inaondosha visasi.

Alifahamisha, kuwa ndio maana, wamempeleka msaidizi wa sheria katika eneo lao, ili migogoro hiyo kabla haijafikishwa mbele ya vyombo vya sheria, kwanza wakutane na kuangalia ufumbuzi.

 

‘’Hapa tukumbushane kuwa, kesi za jinai kama udhalilishaji, wizi, dawa za kulevya, utoroshaji wa watoto na yanayofanana na hayo, yapelekwe Polisi moja kwa moja,’alifafanua.

 

Nae Msaidizi wa sheria shehiani humo, Haji Nassor Mohamed, ambae amehamishiwa hapo, akitokea shehia ya Wawi, alisema suala la msaada wa kisheria ni haki ya kikatiba.

 


Alieleza kuwa, sasa serikali inawatambua wasaidizi wa sheria, kupitia Sheria nambari 13 ya mwaka 2018, na kwamba wapo kwa ajili ya kuwahudumia wananchi bila ya malipo.

 

‘’Sisi wasaidizi wa sheria, tunaisaidia jamii, iwe ni elimu ya kisheria, msaada na ushauri wa kisheria tena bila ya malipo, na hasa kwa wale wasiokuwa na uwezo,’’alieleza.

 


Akifungua mafunzo hayo, Kaimu Mkuu wa Idara ya Katiba na Msaada wa Kisheria Pemba, Ali Salum Hamad, alisifu juhudi za ‘CHAPO’ katika kusambaaza elimu ya kisheria kwa jamii.

 

Alieleza kuwa, mfano uliooneshwa na Msaidizi wa sheria wa Mvumoni, ni vyema ukaenea katika shehia nyingine za Pemba, kwa mafunzo ya aina hiyo.

 


‘’Mafunzo haya naamini ni matunda ya kufanyakazi vyema kwa pamoja, baina ya uongozi wa shehia ya Mvumoni na CHAPO, jambo ambalo Idara inajivunia nalo mno,’’alifafanua.

 

Katika hatua nyingine, amewakumbusha wananchi wa Mvumoni na maeneo mingine, kuendelea kuwatumia wasaidizi wa sheria, kwa ajili ya kupata ufumbuzi wa changamoto zao, za kisheria.

 



Wakichangia mada kwenye mafunzo, mmoja wa wajumbe hao Khamis Juma Mohamed, alisema mafunzo hayo yamewasaidia, kujua baadhi ya mambo ya kisheria.

 

‘’Kwa mfano nimeshajua tofauti baina ya Msaidizi wa sheria na Mwanasheria, kupata faida ya kufanya sulhu nje ya mahkama kwa kesi za majadi,’’alifafanua.

 

 Nae Asia Juma Khamis, alisema watamtumia vyema Msaidizi huyo wa sheria, ili kujua haki na wajibu wao kisheria.

 


Kwenye mafunzo hayo ya siku moja, mada tatu, ziliwasilishwa ikiwemo dhana ya msaada wa kisheria, haki za binaadamu na namna ya utatuzi wa migogoro wa ya madai nje ya mahkama.

                              MWISHO.

 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more