CHAPO: 'WANAFUNZI WAIBUWENI WANAOTAKA KUWADHALILISHA'

 



NA MWANDISHI MAALUM, CHAPO

WANAFUNZI wa chuo cha Qur-an cha kijiji cha Vikutani shehia ya Wawi wilaya ya Chake chake Pemba, wametakiwa kuwaibua ndugu na jamaa zao, wanaoashiria kutaka kuwafanyia vitendo vya udhalilishaji.

Ushauri huo umetolewa Januari 29, 2023 na Msaidizi wa sheria Jimbo la Wawi Haji Nassor, wakati akitoa elimu ya kupambana na matukio ya ukatili na udhalilishaji, hasa kwa watu wao wa karibu, kwenye mkutano uliofanyika chuoni hapo.

Alisema, tafiti kadhaa zinaonesha kuwa, sasa watoto wamekuwa wakifanyiwa vitendo hivyo na watu wao wa karibu, na kushindwa kutoa taarifa hizo, katika maeneo husika.

Alieleza kuwa, wakati umefika sasa kutowafumbia macho watu hao, kwani wamekuwa wakishindwa kuonesha upendo wa kweli kwao, jambo ambalo linaweza kusababisha kupoteza mwelekeo wa maisha yao.

‘’Wanafunzi niwasihi sana kuwa, iwapo kuna kaka, baba, ami, mjombo ameanza kukufanyia vitendo vya udhalilishaji, mseme kwa wenzako au wetu wengine wa karibu,’’alifafanua.

Aidha Msaidizi huyo wa sheria alisema, eneo moja ya kuripoti matukio hayo ni kwa mratibu wa wanawake na watoto, katibu wa sheha, wajumbe wake au kwa msaidizi wa sheria katika eneo wanaloishi.

Mapema Afisa sheria kutoka Idara ya Katiba na Msaada wa kisheria Unguja Ali Haji Hassan, aliwataka wazazi na walezi kukataa kufanya sulhu kwa makosa ya ukatili na udhalilishaji.

‘’Haiwezekani, mtoto ameshaharibiwa kwa ubakaji au ulawiti, kisha wazazi wakubali kukaa chini, eti kuyamaliza kienyeji, kwani makosa haya uamuzi wake ni mahakamani,’’alieleza.



Hata hivyo amewataka wanachi Wawi, kuendelea kuwatumia wasaidizi wa sheria waliomo, kwa ajili ya kupata elimu, ushauri na msaada wa kisheria.

Nae Mkurugenzi wa Jumuiya ya Wasaidizi wa sheria wilaya ya Chake chake Pemba ‘CHAPO’ Nassor Bilali Ali, alisema kama jamii haijaamua kuyakataa matendo hayo, watoto wataendelea kudhalilika.






Alieleza kuwa, watoto wanaofanyiwa ukatili na udhalilishaji, wanawategemea mno wazazi na walezi wao wawasimamie katika vyombo vya sheria, hivyo wakishindwa kufanya hivyo ni kuwaumiza mara mbili.

‘’Wazazi sote tuungane katika kupiga vita matendo haya, maana wanaowaumiza kiakili, mwili ni watoto wetu sasa kama hatuko makini, tutawavunjia ndoto zao za baadae,’’alieleza.



Mapema mjumbe wa sheha wa shehia ya Wawi Nassor Rashid, aliwataka wasaidizi hao wa sheria, kuendelea kukutana na jamii ya Wawi, kwani kumekuwa na shida ya elimu ya kutosha.



Baadhi ya wanafunzi walisema, elimu walioyoipata imewaongezea maarifa katika kupambana na matukio ya ukatili na udhalilishaji.

  

                    Mwisho   

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more