SHEHIA YA MVUMONI YAPATA MSAIDIZI MPYA WA SHERIA

 



NA SAIDA ALI, PEMBA@@@@

MSAIDIZI mpya wa sheria shehia ya Mvumoni wilaya ya Chake chake Pemba, Haji Nassor Mohamed, ameuomba uongozi wa shehia hiyo, kumpa kila aina ya uhirikiano, ili kufanikisha majukumu yake.

 

Ameyasema hayo Novemba 29, 2025 alipokuwa akijitambulisha kwa wajumbe wa sheha, mara baada ya kuhamishiwa shehia hiyo akitokea Wawi, kwa lengo la kutoa elimu, ushauri na msaada wa kisheria bila ya malipo.

 

Alisema kuwa, kubwa analohitaji ni ushirikiano kuanzia kwa sheha, wajumbe na wananchi wa Mvumoni, ili lengo la kuwahudumia wananchi lifikiwe.

 

Alieleza kua, ataendelea kuwa tegemeo kwa wananchi wa Mvumoni, kwani anaamini wapo ambao hawana uwelewa mpana, wa masuala ya kisheria.

 

‘’Kwanza nishukuru kwa kupokelewa, na ninachotaka kubwa zaidi ni umoja, mshikamano na ushirikiano miongoni mwenu,’’alieleza.

 

Aidha Msaidizi huyo wa sheria, aliwakumbusha wajumbe hao wa sheha, kutokubali kuzifanyia sulhu kesi za jinai na hasa za udhalilishaji, na badala yake wawaelekeze wananchi kwenda mbele ya vyombo vya sheria.

 


Wakati huo huo Msaidizi huyo mpya wa sheria, alitumia fursa hiyo, kuwaelezea wajumbe hao kuwa, kesi za jinai na madai, zinatofauti kubwa, katika uendeshaji wake.

 

‘’Kwa kesi za madai, huwa baina ya mtu mmoja na mwingine, na lazima anaelalamika aandike madai yake, ingawa kwenye jinai husimamiwa na ofisi ya Mwendesha Mashtaka,’’alifafanua.

 

 Mapema Kaimu sheha wa Mvumoni Fatma Ali Khamis ameishukuru Jumuiya ya wasaidizi wa sheria wilaya ya Chake chake ‘CHAPO’, kwa kuwapelekea msaidizi wa sheria, kwani ilikuwa ndio kilio chao cha muda mrefu.

 

"Kuwepo kwa msaidizi huyu wa sheria shehiani mwetu, ni jambo kubwa kwetu, kwani utatuzi wa migogoro sasa utakuwa wa kisheria, ni tofauti na zamani tukitumia uzoefu tu,’’alisema.



Kwa upande wake Katibu wa sheha Khamis Mohamed na mjumbe wa shehiani humo Khamis Juma Mohamed walisema kuwa, ni jambo jema na faraja kupatiwa msaidizi huyo wa sheria.

 

Walisema kuwa, kujua sheria ni jambo muhimu sana  na kuahidi, kumtumia msaidizi huyo, ili kupata uwelewa wa haki zao hasa pale zinapoashiria kuvunjwa.

 

Wakati huo huo, uongozi wa shehia hiyo, umekubaliana na Msaidizi huyo wa sheria, kuendesha mafunzo wa siku moja, ya kuijengea uwezo kamati hiyo, yanayotarajiwa kufanyika mwishoni mwa wiki hii.

 


Ambapo mada tatu zilizopendekezwa ni haki za binaadamu, nani Msaidizi wa sheria pamoja na namna bora ya utatuzi wa migogoro ya mdai nje ya mahkama.

 

   MWISHO.

 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more