WAGOMBEA CCM JIMBO LA CHAKE CHAKE, KUANZISHA WIKI YA MSAADA WA KISHERIA

 



 

NA HAJI NASSOR, PEMBA@@@@

MGOMBEA Ubunge na Uwakilishi jimbo la Chake chake, wamesema kama wakipata ridhaa ya wananchi, wataanzisha wiki ya msaada wa kisheria jimboni humo, ili kuwasaidia wananchi, wenye changamoto za kisheria.

 

Walisema, wanayodhamira ya dhati kuhakikisha wananchi wa jimbo hilo, wanaondokana na changamoto za kisheria, kwa kuanzisha wiki ya msaada wa kisheria, kila baada ya muda.

 

Wakizungumza na baadhi ya watendaji wa Jumuiya ya wasaidizi wa sheria wilaya ya Chake chake Pemba ‘CHAPO’, wakati walipofika ofisini hapo, walisema wanachosubiri ni ridhaa tu ya wananchi.

 

Wagombea hao walisema, wamebaini kuwa, ipo haja ya kuongeza nguvu ya kutoa elimu, msaada na ushauri wa kisheria kwa wananchi, na hilo litawezekana kwa kuanzisha wiki ya msaada wa kisheria.

 

Mgombea Uwakilishi Abdulla-wahabi Said Abubakar, alisema kwa kushirikiana na viongozi wenzake, na baada ya kukaa na uongozi wa ‘CHAPO’, azma hiyo wanayo.

 

Alieleza kuwa, kama Idara ya Katiba na Msaada wa Kisheria Zanzibar, inayo wiki ya msaada wa kisheria kila mwaka, nalo jimbo la Chake chake, litaanzisha ya kwake kwa madhumuni yanayofanana.

 

Alisema, wapo wananchi wenye changamoto za kisheria kama vile watu wenye ulemavu, wazee, wanawake na hata vijana, hivyo kupitia wiki ya msaada wa kisheria, watapata ufumbuzi.

 

‘’Leo (jana), tuliseme tuitembelee ‘CHAPO’ na kufanya mazungumzo na baadhi ya watendaji na kisha kuonesha hisia zetu za kufanyakazi nao hapo baadae, kwa lengo lile lile la kuwasaidia wananchi,’’alifafanua.

 

Katika hatua nyingine, Mgombea huyo uwakilishi, alisema atakaa na viongozi wenzake, kuona CHAPO wanaisaidia baadhi ya vitendea kazi, ili iwahudumie wananchi kwa ufanisi.

 

Nae Mgombea Ubunge wa Jimbo hilo Nassor Said Nassor ‘Maro’, alisema hataki kusikia hapo baadae, kuwa kuna mwananchi ndani ya jimbo hilo, analalamikia kukuosa msaada wa kisheria.

 

Alisema, anaifahamu vyema ‘CHAPO’ na utendaji wake wa kazi katika sheria za jimbo la Chake chake, hivyo kama akipata ridhaa, ataiunga mkono.

 

‘’Lengo letu ni kuona wananchi wale ambao wameshakata tamaa ya kukosa haki zao, waliomo jimbo la Chake chake, sasa wanasimama wima na kuzipata,’’alisema.

 

Aidha ‘Maro’, aliwaomba watendaji hao wa CHAPO kuhakikisha, wanakuwa waalimu kwa wingine, katika namna ya kutunza amani, iliyopo.

 

‘’Amani ndio yetu, kabla, wakati na baada ya uchaguzi, hivyo wasaidizi wa sheria, hilo endeleeni kulihubiri na muwafikishie na wingine,’’alifafanua.

 

Mapema Mkurugenzi wa ‘CHAPO’ Mwalimu Mohamed Hassan Abdalla, aliwaahidi wagombea hao, kuendelea kufanya nao kazi, kwa maslahi mapana ya wananchi.

 

Alisema, hata wasaidizi wa sheria wanahitaji amani katika kutoa elimu, ushauri na msaada wa kisheria, hivyo atahakikisha, ujumbe huo anawafikishia na wingine.

 

Nao wasadizi wa sheria Jimbo la Chake chake, Wahida Kombo Khamis na Abeda Adi Seif, waliwatakia kila la kheir wagombea, hao na kurudi tena ofisini hapo.

 

Kwa upande wake, msaidizi wa sheria shehia ya Wesha Khadija Said Khalfan, aliwashauri wagombea, hao kuendelea kuhubiri amani, ili uchaguzi ufanyike kwa utulivu.

 

                               Mwisho

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more