WASAIDIZI WA SHERIA WAWAREJESHA WANAFUNZI WATORO MASOMONI

 


NA MWANDISHI WETU, CHAPO@@@@

FAMILIA mbili za shehia za Gombani na Ziwani wilaya ya Chake chake, wamewashukuru wasaidizi wa sheria wilayani humo, kwa kufanikiwa kuwarejesha watoto wao masomoni, baada ya kukatisha kwa zaidi ya miezi minne.

Walisema tayari walishashindwa kuwanasihi na kuwatisha watoto wao ili kurejea masomoni, ingawa hawakufanikiwa, na kuamua kuwatafuta wasaidizi hao wa sheria.

Wakizungumza na mwandishi wa habari hizi kwa nyakati tofauti wazazi hao, walisema walitumia mbinu kadhaa ikiwemo kuwapeleka kwa askari wa ulinzi shirikishi, ingawa hakuwafanikiwa.

Walisema, waliwatumia askari wa shehia ili kuwanasihi na kisha kuwatisha, ingawa walikuwa wanarejea masomoni kwa muda, kisha kuatisha tena.

Mzazi Hassina Khamis Said, alisema aliamuwa kuwatafua wasaidizi wa sheria na haraka walifika kijijini kwao Semeweni, shehia ya Ziwani na kuwakabidhi kijana wake.

Alisema, walifika na kuzungumza nae, na sasa kijana wake amerejea masomoni skuli ya Mbuzini kwa ajili ya kujiandaa na mitihani ya darasa la saba.

‘’Mtoto wangu alishakaa nyumbani kwa zaidi ya miezi mitatu, alikuwa anaendelea kuvuna zao la karafuu na tayari alishanunua simu, na ameshaniambia zaidi ya mara moja kuwa hatorudi skuli, ingawa sasa nashukuru,’’alisema.

Mzazi huyo, alisema kwanza anawashukuru wasaidizi hao wa sheria, kwa kufuata wito wake wa haraka na kisha, kufanikiwa kumrejesga kijana wake masomoni.

‘’Kwa sasa anaamka na kijihimiza mwenyewe kwenda masomoni, lazima niwashukuru wasaidizi wa sheria kutoka CHAPO, kwa kazi hii,’’alisema.



Nae mzazi Saada Abdalla Nassor wa shehia ya Gombani, alisema mtoto wake, aliacha masomo ya darasa la 10, kwa zaidi ya miezi sita.

‘’Baada ya kusikia kuwa, kuna wasaidizi wa sheria, niliwatafuta na niliwakabidhi mtoto wangu na sasa amesharejea skuli ya Ng’ambwa,’’alieleza.

Mama huyo, alisema kwa sasa ataendelea kuwa karibu na wasaidizi hao wa sheria hadi hapo, mtoto wake atakapomaliza elimu yake ya lazima.

Msaidizi wa sheria Fatma Hilali Salum, aliyefanikiwa kumrejesha mwanafunzi wa darasa la saba skuli ya Mbuzini, alikiri kutumia mbinu za hali ya juu.

Alieleza kuwa, baada ya kupata taarifa na wito ya mzazi huyo, jioni yake akiwa na baadhi ya wasaidizi wa sheria walifika nyumbani kwa mtoto huyo, na kumnasihi na sasa amerejea masomoni.

‘’Watoto wingi ambao wamekatisha masomo ni wale ambao ndo za wazai wao, zimekatika, jambo ambalo mzigo wa malezi humuangukia mama pekee,’’alisema.





Nae msadizi wa sheria Haji Nassor Mohamed, aliyemrejesha mwanafunzi wa kidato cha pili skuli ya Ng’ambwa, alisema nao wazazi wake, wameshaachana, na mama pekee kushindwa malezi.

‘’Wajomba wake wameshaingia kwenye nasaha, waalimu, Polisi na majirani lakini mtoto alishindikana, hadi nilipofika na sasa amerejea skuli,’’alieleza.

Aidha Msaidizi huyo wa sheria, alipofika skuli ya Ng’ambwa alioneshwa orodha ya wanafunzi zaidi ya 35 wa madarasa tofauti, waliokatisha masomo skulini hapo.

Mkurugenzi wa Jumuiya ya wasaidizi wa sheria ‘CHAPO’ Mohamed Hassan Abdalla, aliwataka wasaidizi hao wa sheria, kuendelea kuisaidia jamii, kwani ndio tegemeo lao.

Mkuu wa wilaya ya Chake chake Mgeni Khatib Yahya, aliwataka wazazi na masheha kuendelea kushirikiana na wasaidizi wa sheria, ili kutatua changamoto kadhaa.

   Wakati hayo yakifanyika, upande mwingine wizara ya Elim una Mafunzo ya Amali, imeongeza shilingi bilioni 11.5 kwa mwaka 2021/2022 hadi kufikia shilingi bilioni 33.4 kwa mwaka 2024/2025.

Aidha ufaulu wa wanafunzi vipawa na mchepuo kwa mitihani ya darasa la saba, umeongezeka kutoka asilimia 5.5 mwaka 2020 hadi asilimia 27.5. kwa mwaka 2023.

                   Mwisho   

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more