WANACHAPO WAPEWA MAFUNZO AKILI MNEMBA 'AI'

 


NA HAJI NASSOR, PEMBA@@@@

WANACHAMA wa Jumuiya ya wasaidizi wa sheria wilaya ya Chake chake Pemba ‘CHAPO’ wamepatiwa mafunzo ya matumizi ya akili ya kisayansi ‘akili mnemba’, baada ya watendaji wa wawili wa jumuiya hiyo, kumaliza mafunzo kama hayo, wiki iliyopita.

Kabla ya kuanza kwa mafunzo hayo, Mkurugenzi wa ‘CHAPO’ Mohamed Hassan Abdalla, alisema utaratibu kwa sasa utakuwa kwa kila atakayerudi kwenye mafunzo, kuhakikisha anawapa na wenzake.

Alisema, mpango huo ulikuwepo zamani, ingawa katika siku za hivi karibuni, ulionekana kufa, na wakati umefika sasa kuufufua, ili kuona nguvu zinazotumiwa na washirika wao, zinaungwa mkono.

Akitoa mada ya mafunzo hayo ofisini kwao Chake chake jan August 17, 2025, alisema akili mnemba, ni mfumo wa kompyuta ambao umeshajazwa taarifa kadhaa, ambazo ni za ukweli, kwa ajili ya matumizi.

Alisema, utaalaamu baada ya kuendelea, mifumo hiyo hujazwa taarifa rasmi, na kisha kwa kutumia mifumo ya tovuti za ‘GPT’, unaweza kuipakua na kuuliza maswali au kutaka taarifa.

‘’Raha ya tovuti hii, unaweza kuiuliza taarifa ambazo zimeshachaktwa, na tayari kwa ajili ya matumizi ndani ya jamii,’’alisema.

Akizungumzia faida ya mifumo hiyo hasa kwa wasaidizi wa sheria katika kazi zao za kila siku, alisema ni pamoja na kujirahisishia wakati wanapoandaa mada.

Alifafanua kuwa, moja ya jukumu la wasaidizi wa sheria ni kuifikia jamii, na kutoa elimu iwe ya ardhi salama, mirathi, udhalilishaji, vyeti vya kuzaliwa na makundi ya watu maalum.

‘’Haya yote, kama huyajui kama yalivyo, unaweza kutumia mfumo huo wa ‘GPT’ na ukiomba unaweza kupata majibu halisi na kuyatumia ndani ya kazi zenu,’’alifafanua.



Mapema Mkurugenzi huyo, aliwapokea wasaidizi wapya wa sheria watano, ambao walimaliza mafunzo yao hivi karibuni, wakitokea shehia za Ng’ambwa, Mfikiwa, Ndagoni, Ziwani na Mjini Ole.

Hata hivyo aliwataka wasaidizi wa sheria wakongwe, kuwapa kila aina ya ushirikiano wenzao wapya, ili kuwafikia wananchi kuwapa elimu, ushauri na msaada wa kisheria.

Mapema Mkurugenzi fedha wa ‘CHAPO’ Riziki Hamad Ali, aliwakumbusha wasaidizi hao wa sheria, kuharakisha kuwasilisha ripoti kazi za utendaji wa kila mwezi.

Alisema wapo baadhi, wamekuwa hawawasilishi kazi zao kwa wakati, na kusababisha usumbufu wakati wa kuandika ripoti ya pamoja ya jumuiya.



Wakati huo huo, aliwapitisha kwenye fomu ya utoaji wa elimu na msaada wa kisheria, na kuwataka ikiwa watakwama, kuwasiliana na wenzao wakongwe kwa maelekezo.

Mapema wanachama wa CHAPO, walilipitisha jina la Fatma Hilali Salum, kushika nafasi ya Mratibu wa CHAPO, kuanzia August 17, ya mwaka huu.



Mara baada ya kupokea nafasi hiyo, aliomba ushirikiano wa karibu na watendaji wa CHAPO, ili kufikia malengo ya jumuiya yao.

Baadhi ya wasaidizi wa sheria akiwemo Jafari Abdalla Ali wa shehia ya Mgogoni na Abass Maalim Abeid wa Pujini, wamewahimiza wenzao, kuongeza juhudi za kuwafikia wananchi kuwapa elimu.

Hata hivyo, walipongeza kupatiwa mafunzo ya akili bandia, na kusema yatawasaidia kwa kiasi kikubwa, katika kazi zao kila siku, na hasa kuandika hati za madai.




Nae msaidizi wa sheria Saada Hamad Mbarouk wa Ole, alisema kuanzia sasa, atautumia mfumo huo wa kompyuta wa akili bandia, wakati anapotaka kuandaa mada zake.

CHAPO, imekuwa na utaratibu kila mwezi mara moja kukutana na watendaji wake, na kuelezeana mafanikio na changamoto za mwezi uliokwisha.

                       Mwisho  

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more