LSF: YATOA USHAURI WA BURE KWA JUMUIYA ZA WASAIDIZI WA SHERIA PEMBA

 



NA HAJI NASSOR, PEMBA@@@@

MRATIBU wa taasisi ya ‘LSF’ kanda ya Zanzibar Hamisa Bakar Hamad, amesema kama jumuiya za wasaidizi wa sheria, hazikuungana wakati zinapotekeleza miradi, inaweza kuwa jambo gumu kufikia malengo ya miradi hiyo kwa jamii.

Alisema, jumuiya hizo zote ni zinamalengo yanayofanana ya kuisaidia jamii, hivyo ili kufikia malengo hayo hazinabudi, kushirikishana na kufanyakazi kwa pamoja.

Mratibu huyo wa kanda aliyasema hayo, ofisini kwake Madungu mjini Chake chake, kwenye mafunzo ya siku mbili kwa wanaasasi za wasaidizi wa sheria, katika kuutambulisha mradi wa suati ya mwanamke.



Alieleza kuwa, kama jumuiya zinaelekea kuisaidia jamii, hakunabudi moja inapotekeleza mradi husika, kushirikiana na nyingine.

Alifahamisha kuwa, sio busara kuona taasisi zilizojirani, moja inatekeleza mradi ambao mwenzake alishautekeleza miezi kadhaa iliyopita.





‘’Kwa mfano kama ‘CHAPO’ anatekeleza mradi wa afya ya mama, ni vyema na jirani yake ‘MDIPAO’, kuelekezana ili kusaidiana ushauri na maelekezo,’’alifafanua.

Akizungumzia mradi huo wa sauti yangu, Mratibu huyo wa ‘LSF’ kanda ya Zanzibar, alisema unalazimisha kuwepo kwa mshughulikiaji ‘focal person’ mmoja kutoka kila Jumuiya za wasaidizi wa sheria kisiwani humo.





Alisema lengo, ni kuona sauti ya mwanamke inanyanyuka iwe ni kwenye uchumi, kiukatili, udhalilishaji na kuongeza elimu.

Hata hivyo aliwataka wakurugenzi wa Jumuiya hizo za wasaidizi wa sheria, kuendelea kujenga ushirikiano na watendaji wao, ili kuondoa migogoro isiyokuwa ya lazima.

Mapema Mkurugenzi wa ‘CHAPO’ Mohamed Hassan Abdalla, alisema mafunzo hayo yamewapa vitu vipya ikiwemo namna ya kujenga ushirikiano miongoni mwao.

‘’Ni kweli huwa kunautekelezaji mgumu wa baadhi ya miradi, ikiwa jumuiya moja na nyingine hazikuungana wakati wa utekelezaji,’’alifafanua.

Mussa Alawi kutoka ‘MDIPAO’, alisema bado vitendo vya udhalilishaji vipo ndani ya jamii, na kazi kubwa inahitajika kufanyika.

‘’Sisi wasaidizi wa sheria lazima tujengewe mbinu mpya na za kisasa, katika kukabiliana na janga hili na hasa kwenye utoaji elimu,’’alieleza.

Kwa upande wake Msaidizi wa sheria kutoka ‘WEPO’ Omar Abdalla Nassor, alisisitiza haja kwa wao, kujiendeleza kielimu, ili iwe rahisi kuvikabili vitendo hivyo.

Mafunzo mingine yanatarajiwa kufanyika kwa ajili ya Maafisa wa tathmini na ufuatiliaji wa jumuiya za wasaidizi wa sheria, ili kuelekeza namna ya ujazaji wa takwimu ndani ya fomu mpya.

Mwisho 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more