WASAIDIZI WA SHERIA, WAWI ZIWANI WACHANJA MBUGA

 


NA MWANDISHI WETU, PEMBA@@@@

JITIHADA za pamoja na endelevu zinahitajika, ili kuwajenga watoto katika mazingira ya malezi bora katika jamii, kwa lengo la kujinasua na majanga yanayowazunguruka.

 

Hayo yameelezwa hivi karibuni na Msaidizi wa Sheria kutoka shehiya ya Wawi Haji Nassor Mohamed, alipokuwa akiwasilisha mada juu ya haki za watoto na wajibu wao, kwa wanafunzi wa Almadrassatul- Muuminina  Syyidat Aishaa, iliyopo Fletini shehia ya Wara wilaya ya Chake chake.

 

Alisema kila mmoja ana haki zake na wajibu wake katika maisha  ya kila siku hivyo kukiwa na malezi ya pamoja, jamii itakuwa na mazingira bora ya kuishi kwa watoto wa leo na kesho.

 


”Haki zenu watoto moja wapo ni kupatiwa elimu kama hii ya Madrassa,skuli, pia kupewa majina mazuri, kupatiwa huduma nyengine mbali mbali ambazo haziharibu taratibu za mila na desturi,"alisema.

 

Katika hatua nyingine, Msaidizi huyo wa sheria shehia ya Wawi, Haji Nassor Mohamed, aliwataka wanafunzi hao kufuata maadili ya  kujisomea kwa bidii, ili kuepuka vishawishi vitakavyo wahatarishia maisha yao na ndoto zao.

 

Kwa upande wake Msaidizi wa sheria wa shehia ya Wara Sabahi Abdalla, aliwaasa wanafunzi hao kuacha mara moja kutumia simu, kwani muda wao kwa sasa haujafika.

 

"Nyinyi kwa sasa  hampaswi kuwa na simu, kwani hamna haja ya kutumia simu na wale ambao huwa wanazichukua simu za wazazi wao, wache tabia hiyo kwani haina faida kwao,"alifahamisha.

 

Nao wanafunzi wa Madrasa hiyo Nurdin Abdalla na Mudrik Mohamed, walisema wamefaidika na mada zilizotolewa na kuwata wanafunzi wenzao kuacha, yale yote ambayo yanakwenda kinyume na maadili.

 

Mapema Mwalim mkuu wa Madrasa hiyo Fatma Rashid, aliwashukuru wasaidizi hao wa sheria, kwa kufika katika Madrasa hiyo, kwajili ya kutoa elimu ya kisheria kwa wanafunzi.



Akifungua mkutano huo wa wazi, Msaidizi wa sheria kutoka shehia ya Mgogoni Jaffar Abdalla Ali, aliwakumbusha wazazi na walezi, wenye watoto katika Madrassa hiyo, kuongeza ushirikiano na waalimu.

Timu ya wasaidizi wa sheria ya kanda ya Wawi na Ziwani, chini ya Mwenyekiti wake Haji Nassor Mohamaed, inaendelea kuyafikia makundi ya kijamii, ili kutoa elimu, msaada na ushauri wa kisheria bila ya malipo.



Ambapo tayari, timu hiyo imeshafika vijiji vya Tondooni shehia ya Wesha, Fletini shehia ya Wara na Mgogoni shehia ya Mgogoni na Febuari 1, mwaka huu ni kijiji cha Fidel Castro shehia ya Wawi.

MWISHO

 

 

 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more