CHAPO: YAKABIDHI MSAIDIZI WA SHERIA SHEHIA YA MGOGONI

  


NA MWANDISHI MAALUM, PEMBA@@@@

WASAIDIZI wa sheria kutoka Jumuia ya wasaidizi wa sheria wilaya ya Chake chake Pemba, ‘CHAPO’ wametakiwa kufanya kazi kwa ushirikiano mkubwa na jamiii, ilikuondosha migogoro kwa njia ya kuiripoti katika sehemu zinazohusika kisheria.

Hayo yameelezwa Januari 21, 2025 na wajumbe wa kamati wa sheha wa Mgogoni wilayani humo, mara baada ya kumtambulisha Msaidizi wa sheria Jaffar Abdalla Ali, anayetarajiwa kufanyakazi katika shehia hiyo, hafka iliyofanyika kijiji cha Mgogoni.

 


Walisema kuwa katika shehia hiyo, kumekuwa na matukio mengi ambayo hayana mshughulikiaji wa moja kwa moja kisheria, hali inayopeleka watu wengi kukosa haki zao kutokana na kukosa eneo husika la kuzidai.

 

Akimtambulisha msaidizi huyo wa sheri, kiongozi wa timu ya wasaidizi wa sheria, kutoka Jimbo la Wawi Haji Nassor Mohamed, aliwaambia wajumbe hao kuwa, kufanyakazi kwa karibu na Msaidizi huyo wa sheria.

 Alisema, kwa muda mrefu shehia hiyo ilikosa Msaidizi wa sheria wa moja kwa moja, hali iliyokuwa ikiwapa changamoto wajumbe hao na wananchi kwa ujumla.



‘’Sasa CHAPO imekuleteeni Msaidizi wa sheria, ambae anapaswa kufanyakazi ndani ya shehia ya Mgogoni, sasa mtumieni kila inapobidi,’’alishauria.

Kwa upande wake Naibu sheha wa shehiya hiyo Khadija Ramadhan, alisema katika shehiya hiyo zipo changamoto nyingi ambazo zinahitaji kutatuliwa kwa njia za kitaalam, hivyo kupitia Msaidizi huyo sheria, zinaweza kupata mwarubaini.

Nae Msaidizi wa sheria anayetarajiwa kufanyakazi shehia ya Mgogoni, Jaffar Abdalla Ali, alisema jambo kubwa linalohitajika ni ushirikiano kutoka kwa wajumbe hao.



Alieleza kuwa, atatumia nguvu zote katika kutoa elimu, msaada na ushauri wa kisheria kwa wananchi wa Mgogoni, ili kuona vitendo vya kihalifu vinapungua.

 

‘’Mimi nimeshakabidhiwa kwenu, kilichobakia sasa ni kunishirikisha na kunipa ushirikiano wa hali ya juu, maana ili Mgogoni isiyo na uhalifu inawezekana kama tukishirikiana,’’alieleza.

Akizungumza katika hafla hiyo, mjumbe wa sheha Mariam Juma Salim, aliahidi kutoa ushirikiano wa hali ya juu, kwa Msaidizi wa huyo wa sheria, ili kuhakikisha Mgogoni inakuwa salama.





Kwa upande wake Msaidizi wa sheria, Fatma Hilali Salim, alimuahidi Masaidizi huyo wa sheria, kuendelea kumpa ushirikiano wa hali ya juu, ili kufikia lengo lao.

 

Msaidizi huyo wa sheria ya Mgogoni, ameunganishwa kwenye timu ya wasaidizi wa sheria kutoka shehia za Wesha, Wawi na Wara, ili kufanyakazi kama timu moja.

MWISHO

 

 

 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more