CHAPO: 'WANANCHI UCHANGANI JENGENI URAFIKI NA WATOTO WENU MTAYAPATA MINGI '

 

 
NA MWANDISHI WETU, PEMBA@@@@


WANANCHI wa kijji cha Uchangani shehia ya Ndagoni wilaya ya Chake chake Pemba, wametakiwa kujenga urafiki endelevu na watoto wao, ili kugundua kwa haraka, ikiwa wanakumbana na changamoto zikiwemo za udhalilishaji.

Ushauri huo umetolewa Augost 6, 2024 na Msaidizi wa sheria wa shehia za Wesha na Ndagoni, Khadija Said Khalfan, wakati akizungumza na wananchi hao, kwenye mkutano wa wazi ulioandaliwa na Jumuiya ya Wasaidizi wa sheria ‘CHAPO’.

Alisema, mbinu nzuri kwa wazazi na walezi, ya kugundua mazito wanayopitia watoto wao, wanapokuwa skuli au madrassa, ni kujenga nao urafiki endelevu.

Alieleza kuwa, kupitia mpango huo mzazi au mlezi, anaweza kumuuliza maswali kadhaa na majibu yake, yanaweza kumpa mwanga na kujua aina ya marafiki na mwenendo wa mtoto wake kwa ujumla.



Alifahamisha kuwa, sio kinga kwa wazazi na walezi, kulalamikia ugumu wa maisha na kuacha kuwatunza watoto na kuwa nao karibu, kwani mazingira yasiorafiki yanazidi kutawala kwa sasa.

‘’Ni kweli, wazazi sasa wako na harakati ngumu za maisha, lakini na watoto nao wanahitaji kutunzwa, na njia moja wapo ni kujenga urafiki, ambao utakuwezesha mzazi kugundua yaliojificha kwa mtoto wako,’’alifafanua.

Katika hatua nyingine, Msaidizi huyo wa sheria, aliwashauri wazazi hao, kutowaruhusu watoto wao kukogeshana wenyewe, bila ya mzazi kufanya kazi hiyo, kwa baadhi ya siku.

Mapema Askari wa shehia za Wesha na Ndagoni Khamis Ali Khamis, aliwatahadharisha wazazi na walezi, hao juu ya watoto wao kutumiwa na wasafirishaji, wauzaji na watumiaji wa dawa za kulevya.



‘’Sasa wale wanaotumia dawa za kulevya, wameanzisha ujanja wa kuwatumia watoto, wakijua kuwa hata wakikamatwa nazo, hawawezi kutiwa hatiani, sisi wazazi tuwe makini na hili,’’alifafanua.

Nae Msaidizi wa sheria wa shehia ya Wawi Haji Nassor Mohamed, amewakumbusha wazazi kuwa, hadi sasa kwa mujibu wa sheria, mtoto anatambulika ni mtu yeyote aliyechini ya miaka 18.

‘’Kwa mantiki hii, tunaendelea kutahadharisha kwa wale wadhalilishaji, hakuna kinga kwa eti mtoto huyo, kaja mwenyewe kwenye nyumba, na kisha kufanya nae tendo la ngono, bado kisheria inaitwa ni ubakaji,’’alifafanua.



Aidha Msaidizi huyo wa sheria, amewatahadharisha wazazi na walezi, kutothubutu kuwafungisha ndoa watoto wao waliobakwa, kama njia ya kuyatengeneza.

Wananchi wa kijiji hicho, akiwemo Ali Sharif Khamis, alisema bado hukumu hazijakuwa kubwa, kama sheria inavyoelekeza, na ndio maana, matendo ya udhalilishaji yanaendelea kuripotiwa.

Nae ustadhi Salim Khamis Salim, alisema kama jamii haikuyarejesha malezi ya pamoja, suala la kupunguza majanga kwa watoto, litaendelea kuwa ndoto.








Mwananchi Fatma Hamad Khamis, alisema bado njia za kupitishiwa dawa za kulevya, hazijalindwa ipasavyo, na ndio maana vijana wanaendelea kuzitumia.

‘’Zanzibar dawa za kulevya hazizalishwi wala hazilimwi, sasa inakuaje wanaofanya biashara hii, wanatuletea, tusema ulinzi haupo vizuri katika bandari zetu na uwanja wa ndege,’’alihoji.

Akiufunga mkutano huo, Naibu sheha wa kijiji hicho Hazina Musheha Omar, alisema kazi zinazofanywa na wasaidizi wa sheria, na kama zitaungwa mkono, jamii inaweza kuondokana na changamoto mbali mbali.







Aidha aliwahakikishia wasaidizi hao wa sheria, kuyafanyia kazi maagizo walioyoyatoa, ikiwa ni njia moja wapo ya kuwalinda watoto wao na ukatili na udhalilishaji.

                                   Mwisho   

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more