'CHAPO' KUFANYA UCHAGUZI MDOGO ASUBUHI HII

 



NA HAJI NASSOR, PEMBA@@@@

WANACHAMA wa Jumuiya ya wasaidizi wa sheria wilaya ya Chake chake Pemba ‘CHAPO’ asubuhi hii ya August 31, 2024 wanatarajia kuingia kwenye zoezi la uchaguzi mdogo wa kumchagua Mkurugenzi wao mpya.

Akizungumza na mwandishi wa habari hizi, Mwenyekiti wa kamati ya uchaguzi huo Mwanasheria Siti Habib Mohamed, alisema tayari maandalizi yote ikiwemo utoaji wa fomu, maandalizi ya kura yameshakamilika.

Alisema, hadi Augost 29 ambayo ilikuwa ndio siku ya mwisho ya uchukuaji na urejeshaji wa fomu, kulikuwa na mwanachama mmoja pekee, aliyechukua fomu hiyo.

Alisema, tayari dirisha la zoezi hilo, limeshafungwa tokea Augost 29, majira ya saa 8:30 jioni, hivyo tayari kamati yake, imeshaliratibu zoezi hilo, linalitarajiwa kufanyika ofisi ya CHAPO Chake chake asubuhi ya leo.

Alieleza kuwa, kwa upande wao, kila kitu kimeshakamilika, na lililobakia kwa sasa ni kuwasubiri wanachama, ambao ndio wapiga kura, kuteleleza wajibu wao.

‘’Kwa upande wa kamati yangu ndogo ya uchaguzi, tuko sawa na hakuna jambo ambalo hatujalifanya, kazi iliyobakia ni kwa wapiga kura kutumia haki yao,’’alieleza.

Mjumbe wa kamati hiyo ya uchaguzi Hafidh Abdi Said, alisema zoezi la uchukuaji wa fomu, ambalo lilianza Augost 26, 2024 limekwenda vyema, na hukukua na changamoto yoyote.

Uchaguzi huo mdogo, unafuatia kifo cha marehemu Nassor Bilali Ali, ambae alikuwa Mkurugenzi wa Jumuiya ya Wasaidizi wa sheria wilaya ya Chake chake Pemba ‘CHAPO’ aliyefariki Augost 7, mwaka huu, wakati akiwa uwanja wa ndege, kwa safari ya kwenda matibabuni Unguja, baada ya kuugua ghafla.

Kisha marehemu, alizikwa kijijini kwao, Vikunguni wilaya ya Chake chake siku hiyo hiyo, majira ya saa 11:15 jioni, Mwenyezi Muungu…. ailaze roho ya marehemu pahala pema, peponi aminaaa…

                                   Mwisho

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more