‘WANAWAKE MSIONGOZE VIKAO VYA SULHU KESI ZA UDHALILISHAJI’

 


NA ALI KHAMIS, PEMBA@@@@

MJUMBE wa sheha wa shehia ya Wawi wilaya ya Chake chake, Mwanajuma Bakar Mohamed, amewataka wanawake wa kijiji cha Mchekeweni, wasikubali kuongoza vikao vya sulhu, inapotokeza changamoto ya udhalilishaji wa watoto.

Alisema, imebainika wapo baadhi ya wanawake wamekuwa ndio watandikaji majamvi na mikeka, ili kuandaa mchakato wa sulhu, kwenye kesi za udhalilishaji.

Mjumbe huyo, aliyasema hayo jana kwenye madrassa ya wanawake iliyopo kijijini hapo, wakati wa mkutano wa wazi, ulioandaliwa na Jumuiya ya wasaidizi wa sheria wilaya ya Chake chake ‘CHAPO’, ikiwa ni mkutano wa kawaida wa utoaji wa elimu.

Alieleza kuwa, ni vyema sasa wakakimbilia vituo vya kisheria, ili kutoa taarifa haraka, mara tu inapotokeza changamoto ya ukatili na udhalilishaji.

‘Sisi akinamama, ni kweli tumeumbwa na huruma kubwa, lakini sio katika eneo hilo, na wala tusijihusishe na sulhu, kwani kufanya hivyo, ni kumuuza mtoto wako kwa thamani ndogo,''alieleza.

Katika hatua nyingine, Mjumbe huyo wa sheha, aliwataka wananchi wake, kuwatumia wasaidizi wa sheria waliomo shehia ya Wawi, ili kupata ushauri na msaada wa kisheria bila ya malipo.

Hata hivyo alisisitiza haja, kwa wananchi kuhudhuria kwenye mikutano kadhaa, inayoitishwa na wasaidizi wa sheria, ili kuongeza uwelewa wao.

Mwalimu wa Madrassa hiyo ya wanawake kijijini hapo Snei Hamad Khamis, alisema kazi inayofanywa na CHAPO, inasaidia kuibua changamoto za ukatili na udhalilishaji kwa watoto.

Mapema Msaidizi wa sheria, shehia ya Wawi Haji Nassor Mohamed, aliwakumbusha wananchi, kuacha kununua ardhi kiholela, ili kuepusha miogoro.



‘’Huwezi kununua ardhi kama muuzaji, hujajiridhisha yeye aliipataje ardhi husika na kama ana hati zinazokubalika za matumizi, vyenginevyo unaweza kucheza mchezo wa kubahatisha,’’alifafanua.

Aidha, aliwaeleza wanawake hao kuwa, kuendelea kuwachunga watoto wao wa kiume, kwani dunia ya sasa imakabiliwa na changamoto kadhaa, ikiwemo ukatili na udhalilishaji.

‘’Hapa niwakumbushe kuwa, kisheria mtoto ni mtu yeyote aliyechini ya miaka 18, sasa ni wajibu wa wazazi kisheria, kuhakikisha hakumbwi na janga lolote,’’alisisitiza.

Hata hivyo Msaidizi huyo wa sheria, aliwakumbusha wanawake hao, kuwatumia wasaidizi wa sheria wanapokumbwa na kesi za madai, kabla ya kufika mbele ya vyombo ya sheria.

Akiufunga mkutano huo, Sheha wa shehia ya Wawi Sharifa Abdalla Waziri, aliwaeleza wanawake hao, kuwa mfano bora ndani ya jamii yao, kimaadili.

Aidha, aliwataka vijana wanaoishi shehia ya Wawi, kutoa taarifa kwa wenzao, wanaotumia dawa za kulevya, au kuingiza na kusafirisha.

Baadhi ya wanawake hao, walisema bado migogoro ya ardhi inawaumizwa kichwa, kwa kuwepo wavamizi wa maeneo yao, pasi na nyaraka zinazotambulika.

‘’Inawezekana unalima sehemu kwa zaidi ya miaka 40, kisha anakujia mtu ana karatasi, ambazo hazitambulika anakunyang’anya eneo lako,’’alifafanua mwananchi Asha Ali Khamis.

Nae Saada Haroun Ali, alisema kama serikali haikuwalegeza masharti ya usajili wa ardhi, wananchi wengi ambao ni wanyonge, watazikosa ardhi zao.

                  Mwisho

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more