CHAPO: 'WATUMIENI WASAIDIZI WA SHERIA WALIOMO SHEHIANI MWENU'

 



MARYAM SALUM, PEMBA@@@@.

WANANCHI wa shehia ya Mgogoni wilaya ya Chake Chake, wametakiwa kuvitumia vyombo vya sheria vilivyomo ndani ya shehia zao, wakiwemo wasaidizi wa sheria, ili kueleza changamoto zinazowakabili za kisheria kwa lengo la kupatiwa ufumbuzi.

Kauli hiyo ilitolewa jana Julai 14, 2024 na Msaidizi wa sheria wa shehia hiyo Fatma Hilali Salim, wakati akizungumza na wananchi hao katika skuli ya maandalizi Ditia shehiani humo, ikiwa ni muendelezo ya mikutano ya wazi inayoendeshwa na Jumuiya ya wasaidizi wa sheria wilaya ya Chake Chake Pemba 'CHAPO'. 

Alisema kuwa sasa hivi jamii, imekuwa ikikabiliwa na matatizo mengi yakiwemo ya udhalilishaji pamoja na migogoro ya ardhi, jambo ambalo limekuwa changamoto kubwa kwa jamii. 

Alieleza kuwa, kutokana na changamoto hizo na nyengine kama hizo, kuna haja jamii kutumia vyombo vya sheria vilivyomo kwenye shehia zao, akiwemo sheha na wasaidizi wa sheria kueleza kero zao, ili kupatiwa ufumbuzi wa kisheria na si  kwa njia vyengine, kama wanavyofanya baadhi ya watu.

"Kwenye jamii zetu yapo matatizo mbali mbali, ambayo yanapelekea familia kwa familia  kutoelewana kwa namna moja ama nyengine, sambamba  na vitendo vya uhalifu na migogoro ya ardhi, hivyo mkivitumia vyombo vya kisheria akiwemo sheha,wasaidizi wa sheria ambao sasa hivi wapo kila shehia kwa msaada wa kisheria, mtapunguza changamoto hizo,''alifafanua.

Alisema kuwa bado ndani ya jamii, zipo familia zina migogoro ya masuala mbali mbali hasa ardhi na hazijapatiwa ufumbuzi wowote, lakini wanashindwa kueleza changamoto hizo katika vyombo vya sheria, kwa sababu wanazozijua, jambo ambalo linazidi kupelekea kuongezeka kwa migogoro isiyoyalzima siku hadi siku.

"Migogoro mengine katika jamii, inaweza kupatiwa ufumbuzi na wasaidizi wakisheria, ambao wapo kila shehia bila ya kufikishwa Polisi au Mahakamani, lakini kutokana na baadhi ya  jamii kutokuamini kwamba sisi wasaidizi wa sheria  tunaweza, wanahiari kesi zao wapeleke Polisi moja kwa moja, jambo ambalo linazidi kutia gharama Serikali,''alifafanua.

 



Alifahamisha kuwa, wasaidizi wa sheria waliomo katika shehia wapo kisheria na wanatambulika Serikalini, na lengo la kuteuliwa kwenye nafasi hizo, ni kusaidia jamii kusikiliza changamoto zao na kuzipatia ufumbuzi bila ya malipo kwa hatua za awali, kwa zile kesi amabazo zinastahiki kutatuliwa bila kufikishwa polisi ama mahakamani.



Aidha Msaidizi huyo wa sheria, aliitaka jamii kuelewe kwamba, Msaidizi wa sheria ama mwanasheria aliepo kwenye shehia wanaomsaada mkubwa wa kutatua changamoto za kijamii kwa hatua ya kwanza.


Mapema sheha wa shehia hiyo Suleiman Nassor Suleiman wakati akifungua mkutano huo, aliwataka wananchi wake kuwaamini wasaidizi wa sheria waliomo kwenye shehia yao, kwa kueleza changamoto zinazowakabili kwa msaada zaidi wa kisheria na sio kutafuta njia nyengine, wanazozijua ambazo hazipo kisheria.

Kwa upande wao wananchi hao, walieleza kuwa kwa vile wameshafahamishwa juu ya uwepo wa wasaidizi hao wa sheria, watahakikisha wanatoa ushirikiano kati yao na vyombo hivyo, ili kesi zao ziweze kupatiwa ufumbuzi kwa hatua ya kwanza kisheria.




"Kwakweli wapo wanaofahamu kwamba kwenye shehia kuna wasaidizi wa sheria, wa masuala mbali mbali ya kijamii, lakni wapo, hawajui na hawajawahi kusikia, hivyo kwa vile tayari mumekuja kutuelimisha tutalifanyia kazi, kwani zipo kesi hazistahiki kupelekwa Polisi moja kwa moja,"walieleza.

Hata hivyo wananchi hao waliomba  jumuia hiyo kuhakikisha angalau kwa mwezi wanafika  kwenye shehia hiyo mara mbili, kwa ajili ya kuwapatia taaluma zaidi, kwani wapo watu wengine wanagombana tu kikawaida basi hukimbilia kupelekana Polisi, ingawa kumbe kuna uwezekano wa kukutana nai na ufumbuzi kupatikana.

Huu ni mkutano wa kwanza kwa mwezi huu kufanywa na wasaidizi wa sheria kutoka CHAPO kwa shehia hiyo, ingawa kwa mizi mitatu iliyopita kushawahi fanyika mkutano kama huo katika kijiji cha kwa sheha wa zamani shehiani humo.

                                      MWISHO. 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more