CHAPO: 'WAPENI ELIMU YA KINGA WAZAZI WIZI WA WATOTO'

 


 NA HAJI NASSOR, PEMBA@@@

JUMUIYA ya wasaidizi wa sheria wilaya ya Chake chake Pemba ‘CHAPO’ imewakumbusha wasaidizi wa sheria wilayani humo, kutilia maanani, elimu kwa jamii, juu ya wimbi la wizi wa watoto lililoibuka hivi karibuni.

Kauli hiyo imetolewa leo Julai 27, 2024 na Afisa Ufuatiliani na Tathmini kutoka ‘CHAPO’ Wahida Kombo Khamis, kwenye kikao cha mwezi cha kuwasilisha ripoti za elimu na msaada wa kisheria, kilichofanyika ofisini kwao mjini Chake chake.

Alisema, pamoja na kuwaelimisha wananchi juu ya udhalilishaji, migogoro ya ardhi, ndoa, wizi, dawa za kulevya pamoja na kuhubiri amani, lakini watilie mkazo, juu ya elimu ya tahadhari ya wizi wa watoto.



Alieleza kuwa, ijapokuwa kwa wilaya ya Chake chake halijakua la kutisha jambo hilo, kama ilivyo kwa baadhi ya mikoa ya Tanzania bara, lakini ni vyema, kinga ikaanza kuwekwa.

Alifahamisha kuwa, hilo ni miongoni mwa majukumu ya wasaidizi wa sheria, hivyo ni wakati sasa kulieleza kwa upana, ili jamii ifahamu na izidishe ulinzi kwa watoto wao.

‘’Tukianza kutoa elimu kwa jamii, kuanzia mwezi Augost mwaka huu, tusisahau kuwaeleza kwa upana, juu wizi wa watoto, ambao kwa mikoa ya Tanzania limekuwa maarufu,’’alieleza.

Katika hatua nyingine, Afisa huyo Ufuatiliaji na Tathmini Wahida Kombo Khamis, aliwataka wasaidizi hao wa sheria, kuwasilisha mapema ripoti zao za kutoa elimu na msaada wa kisheria.

Mapema Mkurugenzi wa ‘CHAPO’ Nassor Bilali Ali, alisema kuanzia sasa, ripoti zote za wasaidizi wa sheria za mwezi, siwasilishwe sio zaidi ya tarehe 3 ya mwezi mpya.



‘’Imekuwa uletaja wa ripoti haupewi kipaumbele, sasa ili kuhakikusha tunakwenda vizuri, kila msaidizi wa sheria, awasilishe ripoti na iwe mwisho wa mwezi husika na sio vyenginevyo,’’alifafanua.

Katika hatua nyingine, aliwataka wasaidizi wa sheria wakongwe, kuzidisha ushirikiano wao wa karibu na wale wapya, ili lengo la kutoa elimu, ushauri na msaada wa kisheria, litimie.

Aidha Mkurugenzi huyo, amewakumbusha wasaidizi hao wa sheria, wanapopata mafunzo, kuhakikisha wanakuwa na mrejesho kwa kuwasomesha na wingine.

Mratibu wa CHAPO Mohamed Hassan, aliwakumbusha wasaidizi hao wa sheria, kuendelea kufanya kazi za kuwaelimisha wananchi, juu ya sheria mbali mbali.



Alieleza kuwa, zipo sheria kadhaa zimeshafanyiwa marekebisho na nyingine ni mpya, hivyo ni nafasi yao, kuhakikisha wanawaelisha wananchi katika shehia zao.

Mkurugenzi fedha wa ‘CHAPO’ Riziki Hamad Ali, aliwakumbusha wanachama hao, kuhudhuria katika shughuli zote wanazoalikwa, bila ya kujali nauli.



Masaidizi wa sheria kutoka Wesha Khadija Said Khalfan, alisema ushirikiano ndio njia pekee, utakayofanikisha kazi zao za kutoa elimu, ushauri na msaada wa kisheria, kwa jamii.

Msaidizi wa sheria Jimbo la Chonga Asha Hamad Faki, aliwasisitizia wenzake, kuendelea kuwa karibu na wasaidizi wa sheria wapya, ili kuwajenga kiuwezo.





Jumuiya ya wasaidizi wa sheria wilaya ya Chake chake Pemba ‘CHAPO’ imekuwa na utaratibu wa kukutana na wanachama wake kila mwishoni mwa mwezi, kwa ajili ya kuwasilisha ripoti na kuibua changamoto, zinazokwaza katika shughuli zao.

                  Mwisho    

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more