WEPO, CHAPO: 'MKIFAUATA NJIA HIZI MIGOGORO YA ARDHI KWISHA KAZI'

 

NA MWANDISHI WETU, PEMBA@@@@

WANANCHI kisiwani Pemba, wametakiwa wasikurupuke wakati wanapotaka kununua ardhi, na badala yake, wajiridhishe kwanza juu ya uhalali, wa umiliki kwa muuzaji, ikiwa ni njia moja wapo ya kuepusha migogoro, isiyokuwa ya lazima.

 

Hayo yameeleza leo Mei 21, 2024 na wasaidizi wa sheria kutoka Jumuiya ya wasaidizi wa sheria wilaya ya Wete Pemba ‘WEPO’  na wenzao kutoka Jumuiya ya Wasaidizi wa sheria Chake chake ‘CHAPO’, wakati wakitoa elimu ya sheria, juu ya njia za kujiepusha na migogoro ya ardhi, kupitia kituo cha redio Istqaama kisiwani Pemba.

 

Walisema, wapo wananchi wamekuwa wakikubali kuuziwa ardhi kinyemela, pasi na mnunuzi kujiridhisha juu ya umiliki wa ardhi hiyo, kabla ya kuanza mchakato huo.

 

Walieleza kuwa, ili kujiepusha na migogoro ya ardhi, hakuna budi kwa mnunuzi, apate uthibitisho kutoka kwa muuzaji, kama vile nyaraka za matumizi ya ardhi, urithi, huba, kuvunja pori ambapo nyaraka hizo zitakuwa ni sehemu ya kielelezo kabla ya kununua.

 



Msaidizi wa sheria kutoka shehia ya Kangagani wilaya ya Wete, Hamad Omar Mussoud, alisema kama ardhi inamilikiwa na watu zaidi ya mmoja, suala la kupatikana kwa hati za wakala ni la msingi.

 

‘’Kama ukitaka kununua ardhi, lazima ujiridhishe, jee inamilikiwa na mtu mmoja au zaidi, na kisha akukabidhi nyaraka zinazoonesha uhalali kutoka kwa muuzaji, kabla ya kuanza kwa harakati za kunuanua,’’alifafanua.

 

Aidha Msaidizi huyo wa sheria, alisema katika ununuzi wa ardhi, kisheria sheha wa shehia, hahusiki moja kwa moja kisheria, bali anahusika wakati wa uhaulishaji wa ardhi utakapofika.

 

‘’Ingawa inashauriwa, moja ya vyanzo muhimu vya kujiridhisha kwa mnunuzi, ni kuzungumza makundi mbali mbali kama vile sheha, watu maarufu, watu wenye umri mkubwa na wanaopakana na ardhi husika,’’alishauri.

 

Katika hatua nyingine, amewataka wananchi kuhudhuria kwenye mikutano yao ya wazi, wanayoiitishwa katika shehia mbali mbali, ili kuongeza maarifa ya kisheria.

  


Kwa upande wake Msaidizi wa sheria kutoka shehia ya Kambini wilayani humo, Tamim Ali Omar, alisema migogoro ya ardhi, husabishwa na vyanzo kadhaa, ikiwemo uharaka wa wanunuzi.

 

‘’Mnunuzi anatoa fedha nyingi kununua ardhi, lakini kwanza haoni umuhimu wa kuifanyia utafiti ardhi husika, na ndio maana baada ya muda mfupi, anazuka mwingine akidai ni mali yake,’’alieleza.

 

Hata hivyo, amewataka wananchi wanapotaka kununua jambo lolote, wasisite kuwashirikisha wasaidizi wa sheria, ili kupata ushauri na msaada wa kisheria bila ya malipo.

 

Akizungumzia njia za umiliki wa ardhi, alisema ziko tano kisheria, moja wapo ni kuvunja pori, ambalo ndani ya miaka 12, ikiwa hajatokezea muhusika, unaweza kwenda serikalini, kuliomba eneo hilo, kwa lengo la kukabidhiwa hati za matumizi.

 

Alieleza kuwa, njia nyingine ni kununua, kupewa zawadi, urithi, pamoja na kupewa na serikali, kupitia wiziri husika wa ardhi, ambapo pia taratibu kisha ni kupewa hati ya umiliki, baada ya kufanyika kwa uhaulishaji ‘land transfer’.

 

Katika hatua nyingine, aliipongeza Idara ya Katiba na Msaada wa Kisheria Zanzibar, kwa kuendelea kuwajengea uwezo kila wakati, jambo ambalo, huwapa ari na uthubutu wa kufanyakazi.

 



Mapema Msaidizi wa sheria kutoka Jumuiya ya wasaidizi wa sheria wilaya ya Chake chake ‘CHAPO’ Haji Nassor Mohamed, alisema kasoro kubwa iliyopo ndani ya jamii, ni kudharau mikutano katika shehia zao.

 

Alieleza kuwa, wasaidizi wa sheria, wamekuwa na mikutano kila siku katika shehia mbali mbali, wakitoa elimu ya sheria ya ardhi, mirathi, udhalilishaji, dawa za kulevya lakini, shida ni wananchi kutohudhuria.

 

‘’Kwa mfano, kama wananchi wangekuwa wanahudhuria kwenye mikutano yetu, hata migogoro ya radhi ingepunguwa, maana suala la matumizi ya radhi, isiyo na migogoro hutolewa,’’alifafanua.

 

Baadhi ya wasikilizaji, wakitoa maoni yao, walisema mada iliyowasilishwa ni nzuri, kutokana na kupata uwelewa juu ya njia za kujipepusha na migogoro ya ardhi.

 

Mmoja wa wananchi hao, Ahmada Mbwana wa Wete, alisema ameelewa njia ambazo kama mnunuzi wa ardhi akizifuata, anaweza kujiepusha na migogoro ya ardhi.

 

‘’Ni kweli, wakati mwingine tunauziana ardhi kinyemela, bila ya mnunzi kufanya uchunguuzi juu ya uhalali wa umiliki wa ardhi husika, kwa muuzaji,’’alifafanua.

 

Nae Maryam Issa Khamis wa Pujini, alisema hakuwa anafahamu kuwa, sheha sio sehemu ya kisheria moja kwa mioja, katika kuuza ama kununua ardhi, bali sheria inamgusa zaidi yeye na Mkuu wa wilaya, wakati wa uhaulishaji.

 

Jumuiya ya wasaidizi wa sheria wilaya ya Wete Pemba ‘WEPO’ inaendelea kutoa elimu ya kisheria, ushauri na msaada wa kisheria katika shehia zote 36, za wilaya hiyo kwa kuwatumia wasaidizi wa sheria 27, waliomo katika shehia mbali mbali.

                                            Mwisho

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more