CHAPO YAANZA MAANDALIZI WAWI UANZISHWAJIA KLABU YA KUPINGA UDHALILISHAJI BARAZA LA WATOTO

 

NA ASHA ABDALLA, PEMBA@@@@ 

           

JUMUIYA ya wasaidizi washeria wilaya ya Chake chake Pemba, ‘CHAPO’ imesema inampango wa kuanzisha klabu maalum ya kupinga vitendo vya ukatili na udhalilishaji ndani ya baraza la watoto la shehia ya Wawi, kwa lengo la kulijengea uwezo, ili kutambua viashiria ya vitendo hivyo. 

 

 

Hayo yameelezwa wasaidizi washeria wa shehia za Wawi, Wesha, Waram Mgogoni na Kibikoni wilayani humo, wakati wakizungumza na wajumbe wa baraza hilo, kwenye mkutano maalum wa wazi, wenye lengo la kupanga mikakati ya kutokeza vitendo hivyo.

 


Walisema kuwa CHAPO, inalojukumu kubwa la kuhakikisha kila shehia ya wilaya ya Chake chake, imefikiwa na elimu inayostahiki katika kupinga vitendo vya ukatili na udhalilishaji kwa watoto, ikiwemo kuanzisha klabu hizo.

 

Mmoja kati ya wasaidizi wa sheria hao kutoka shehia ya Wesha, Khadija Said Khalfan, alisema kuwa, wasaidizi wa sheria kazi yao ya msingi ni kutoa elimu na msaada wa kisheria bure, ikiwemo kuyapitia makundi kama ya mabaraza ya watoto.

 



Alieleza kuwa, suala la uanzishwaji wa klabu ndani ya mabaraza ya watoto, itakuwa rahisi sasa kwa watoto hao, kupata jukwaa la kuelezea matendo wanayofanyiwa katika maisha yao.

 

‘’Chapo kupitia wasaidizi wa sheria, na kupitia mabaraza ya watoto tutaanzisha klabu maalum, zenye lengo la kupinga ukatili na udhalilishaji, na kisha watoto watajengewe uwezo wa kuzungumza na kuibua viashiria vya ukatili na udhalilishaji,’’alieleza.

 


Mapema Msaidizi wa sheria wa shehiya ya Wawi Haji Nassor Mohamed alisema kuwa, watoto wawe tayari kupinga udhalilishaji kwa njia moja ama nyingine, pale tu wanakapoona viashiria ambavyo watafanyiwa.

 

"Watoto mnatakiwa kuwa makini, wakati munapoona viashiria vya ukatili na udhalilishaji, ikiwemo kupewa zawadi ovyo ovyo, kuoneshwa picha chafu kwa simu, kuitwa vichochoroni au hata kuchezewa miili yenu na kila mtu,’’alifafanua. 

 



 

Hata hivyo aliwataka watoto hao, kuawa tayari kutoa taarifa, pale wanapofanyiwa udhalilishaji au kutoa ushahidi popote hata kama mtendaji huyo ni baba mzazi, kaka au kiongozi wowote kutoka katika taasisi au serikalini.

 

 

Katika hatua nyingine, aliwaomba watoto hao kua mabalozi kwa wenzao ambao hawakuhudhuria katika mkutano huo, kuwapa elimu, ili kujua mambo muhimu ambayo waweze kujitenga nayo.

 

Akizungumzia umuhimu wa kuanzishwa kwa klabu ya kupinga vitendo vya ukatili na udhalilishaji, alisema vitakuwa ndio jukwaa kwa watoto hao la kupashana habari na kuelezana madhila wanayopitia.

 

 

Kwa upande wake Msaidizi wa sheria wa shehiya ya Wawi Fatma Hilali Salim, alisema kua watoto wanapodhalilishwa kwa njia yoyote ile, iwe ni kuadhibiwa, kulawitiwa, kubakwa, kupewa majina wasiyoyataka, wahakikishe hawakai kimnya.

 




 Nae Msaidizi wa sheria wa shehiya ya Kibokoni Haitham Hamad Khamis, aliwaomba watoto wasisite kutoa taarifa kwa wale ambao wanafanyiwa udhalilishaji, kwa kuhofia vitisho.

 



Wakizungumza kwenye mkutano huo, Mratibu wa wanawake na watoto ambae ni mratibu wa baraza la watoto shehia ya Wawi Fatama Kassim Mohamed na Mwenyekiti wa baraza hilo Abuubakar Masoud Juma, walipongeza hatua ya Jumuiya ya wasaidizi wa sheria wilaya ya Chake chake Pemba ‘CHAPO’ kwa  kuonesha nia ya kupinga vitendo hivyo.

 

Walisema, mabaraza hayo yamekuwa wakati mwingine yakikosa msaada kama wa elimu, ingawa aanamini baada ya ujio wa wasaidizi wa sheria, sasa watoto watatambua haki na wajibu wao kwa jamii.

 



‘’Sisi hiyo klabu tunahamu nayo mno, maana hata watoto wa shehia ya Wawi, nao hawako salama na vitendo vya ukatili na udhalilishaji, njooni tusaidiane kuwalinda watoto wetu,’’alisema Mwenyekiti.

 

 CHAPO kwa sasa imo katika utekelezaji wa mradi wa upatikanaji haki, unaofadhiliwa na taasisi ya LSF, ambapo moja ya shughuli katika mradi huo, ni kuanzishwa klabu za kupinga udhalilishaji kupitia mabaraza ya watoto, katika shehia teule za Kibokoni, Wesha, Ng’ambwa, Matale na Msingini.

                      MWISHO

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more