'WALINDENI WATOTO NA WATUMIAJI WA DAWA ZA KULEVYA'

 

NA HAJI NASSOR, PEMBA@@@@

WANANCHI wa kijiji cha Birikau shehia ya Michungwani wilaya ya Chake chake Pemba, wametakiwa kuwalinda watoto wao, kwani watumiaji, wasafirishaji na waingizaji wa dawa za kulevya, wamekuwa wakiwatumia watoto, katika kufanikisha malengo yao.

Ushauri huo umetolewa April 30, 2024 na Askari kutoka Jeshi la Polisi wilaya ya Chake chake, anayezifanyia kazi shehia za Wesha, Michungwani na Ndagoni wilayani humo Khamis Ali Khamis, wakati akizungumza na wananchi, kwenye mkutano wa wazi.

Alisema, kwa sasa watumiaji na wasafirishaji wamekuwa wakiwatumia watoto, wakijua kuwa, kisheria hawashatakiwa na wakati mwingine hawawezi kupekuliwa.



Alieleza kuwa, taarifa zipo zinazoenesha kuwa, sasa watoto wamekuwa wakitumiwa na watumiaji, wasaambazaji wa dawa za kulevya, baada ya mitego ya kuwatumia watu wazima kugundulika.

‘’Wazazi wa kijiji ch Birikau, kuweni makini mno na wasambaazaji, watumiaji, wauzaji na waingizaji wa dawa za kulevya, sasa wamehamishia kazi hiyo kwa watoto,’’alieleza.

Katika hatua nyingine Askari huyo wa shehia, aliwataka wazazi na walezi hao, kufufua malezi ya pamoja miongoni mwao, ambapo kufanya hivyo wanaweza kuwakinga na majanga watoto wao.

‘’Leo kila mmoja ni shahidi kuwa, watoto wamekuwa na ugumu kwenye malezi, sasa tusiporejesha malezi yale ya zamani, ya kuhakikisha tunaleleana watoto, majanga yanaweza kuwa mingi kwao,’’alieleza.

Katika hatua nyingine Askari huyo, aliwataka wananchi hao kutoa taarifa wakati wowote katika vyombo husika, wanapoona viashiria vya vijana wanaotaka kutumia dawa za kulevya.

Mapema Msadizi wa sheria wa shehia za Wesha, Michungwani na Ndagoni Khadija Said Khalfan, aliwakumbusha wazazi na walezi hao, kukaa na watoto wao kila wakati, ili kuwagundua ikiwa wameanza kudhalilishwa ama laa.

Alieleza kuwa, wazazi wasipokuwa karibu na watoto wao, wanaweza kukumbwa na majanga ya udhalilishaji na kuchelewa kuwagundua, ikiwa wameanza kufanyiwa vitendo hivyo.




Wakati huo huo, Msaidizi huyo wa sheria amewataka wananchi kuwatumia wasaidizi wa sheria kutoka Jumuiya ya wasaidizi wa sheria CHAPO, waliomo shehiani mwao, wanapokuwa na changamoto za kisheria.

‘’Njooni kwetu mpate ushauri na msaada wa kisheria bila ya malipo, kwani moja ya jukumu letu ni kuhakikisha wananchi waliopoteza mwelekeo wa kupata haki zao, wanasaidiwa,’’alieleza.

Mmoja wa mzazi wa kijiji hicho, Salama Makame Haji, alisema elimu bado inahitajika kwa jamii, juu ya namna kutoa taarifa wanapoona viashiria vya udhalilishaji.

Nae mwananchi Hamza Salum Khamis, alisema kama sheria inaukubali ushahidi wa picha, katika makosa ya jinai, imekuwa jambo zuri kwao, katika kutokomeza makosa hayo.

Katika hatua nyingine Mwalim wa Almadrassatul Jazzira Islammiya ya Birikau Ali Othman Mohamed, amewakumbusha wazazi na walezi, kuwabidiisha watoto wao, juu ya suala la kuhudhuria madrassa.




Akifungua mkutano huo, Mwalimu wa Almadrassatul Zainabiya sheikh Mohamed Omar Mussa, amesema elimu waliyoipata watahakikisha wanaifanyia kazi, ili jamii ipate mabadiliko.

                                   Mwisho

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more