'CHAPO' YAZINDUA VILABU VYA KUPINGA UDHALILISHAJI MABARAZA YA WATOTO

 

 
NA HAJI NASSSOR, PEMBA@@@@

AFISA Maendeleo ya Jamii, Jinsia na Watoto wilaya ya Chake chake Salma Khamis Haji, amewataka watoto wilayani humo, kutoa taarifa, pindi wanakapoona viashiria vya ukatili na udalilishaji dhidi yao, ikiwemo kuanza kuchezewa sehemu zao za siri.

Hayo ameyasema leo April 28, 2024, skuli ya Maandalizi Madungu, wakati akieleza wajibu wa mabaraza hayo, kwenye mkutano wa uzinduzi wa vilabu vya kupinga ukatili na udhalilishaji wa kijinsia, kupitia mradi wa upatikanaji haki, unaoendesha na Jumuiya ya wasaidizi wa sheria wilaya ya Chake chake ‘CHAPO’.

Alisema moja ya malengo ya vilabu hivyo, ni kuwawezesha watoto hao, kutetea mambo yanayohusu, huku jambo la mwanzo likiwa ni kutokukaa kimnya wanapoona viashiria vibaya kwao.


Alieleza kuwa, kiashiria kimoja wapo ambacho wanatakiwa kukiripoti ni kuanza kuchezewa sehemu za miili yao, kupewa zawadi na fedha zisizo na sababu maalum, pamoja na kuitwa maeneo yasio rasmi (vichakani).

Alieleza kuwa, wapo watu ambayo wanatabia mbaya, na wanaweza kuwatengenezea mazingira ya kuwaharibu, ikiwemo kuanza kuwapa fedha na kuwashika shika miili yao.

Alifafanua, wakiona kuna mtu wa kando, au wa ndani ya familia na hata mwalimu wake, ameanza na tabia hizo haraka sana watoe taarifa iwe kwa familia, mratibu wa wanawake na watoto  au mwalimu wao.

“Watoto mkiona kuna mtu ameanza kukuita, kukupa fedha, zawadi anza kutoa taarifa nyumbani au skuli, kwani wapo wengine huwa huo ndio mwanzo wa kutaka kuwadhalilishaji,’’aliwatahadharisha.



Akizungumzia vilabu hivyo, Afisa huyo aliesema kuwa, jambo lililoibuliwa na ‘CHAPO’ ni jema, maana litawasaidia watoto hao kuwa na sehemu muhimu, ya kutoa malalamiko yao.

Alieleza kuwa, wapo watoto wamekuwa wakikumbana na vitendo mbali mbali, lakini wakati mwingine hawajui pa kukimbilia, ingawa anaamini vilabu hivyo vitakuwa sehemu sahihi kwao.

Katika hatua nyingine, Afisa huyo, alisema hivi karibuni wizara itayapitia upya mabaraza yote ya watoto, ili kuyaendeleza upya, ikiwemo kufanya chaguzi, baada ya wajumbe wa awali, wengi wao, kupindukia umri wa utoto.

Akifungua mkutano huo, Mkurugenzi wa CHAPO, Nassor Bilali Ali alisema ‘CHAPO’ imeamua kuanzisha vilabu vya kupinga ukatili na udhalilishaji, kupitia mabaraza hayo, kwani watoto ndio waathirika wakubwa.




Alieleza kuwa, ili kuhakikisha vilabu hivyo vinakuwa endelevu, kila msaidizi wa sheria hapo baadae, atakuwa ndio msimamizi mkuu wa vilabu hivyo.

‘’Wasaidizi hawa wa sheria pamoja na majukumu yao ya kila siku, lakini watakwenda kuwajengea uwezo wa kielimu watoto hao, ili wazidi kujitambua kwa lengo la kuibua chamgamoto zinazowakabili,’’alifafanua.

Akitoa mada ya njia za kujikinga na vitendo vya ukatili na udhalilishaji, Mratibu kutoka ‘CHAPO’, Mohamed Hassan Abdalla, alisema moja wapo ni kwa watoto hao, kufuatana kwa makundi wanapokwenda na kurudi masomoni.

Njia nyingine alisema, ni kwa wazazi na walezi, kukubali kuleleana watoto, ili kila mmoja awe na nguvu ya kuripoti matendo atakayoyaona ya mtoto wa jirani yake.





Wakizungumza kwenye mkutano huo, watoto hao wamesema kupitia vilabu hivyo, watapata jukwaa sahihi la kuelezea kero na changamoto wanazopitia katika maisha yao.

Mwenyekiti wa baraza la watoto shehia ya Msingini Said Hassan Khamis, aliwashauri wazazi na walezi, kupunguza matumizi ya nguvu kwa watoto wanapowaadabisha, kwani kufanya hivyo kunaweza kukasababisha ukatili.



‘’Lakini pia niwashauri wazazi na walezi wasiwe wakali kupindukia pale wanapotaka taarifa kutoka kwa watoto, kwani wengine wanaweza wasitowe ushirikiano na kukosekana kwa taarifa sahihi,’’alifafanua.

Msaidizi wa sheria Jimbo la Chake chake Riziki Hamad Ali, amewasihi watoto hao, kuhakikisha wanakaa na wenzao wasiopata elimu hiyo, ili kuwaelekeza.

 Jumuiya ya wasaidizi wa sheria wilaya ya Chake chake Pemba ‘CHAPO’ katika utekelezaji wa mradi huo wa upatikanaji haki, unaofadhiliwa na taasisi ya ‘LSF’ unafanyakazi katika shehia tano za Wesha, Ng’ambwa, Kibokoni, Msingi na Matale.

                          mwisho

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more