ALIYEUPASUA MPIRA WA WATOTO WESHA ULIOTOLEWA NA CHAPO AAHIDI KUULIPA

 


NA HAJI NASSOR, PEMBA@@@@


MWANAMKASI Mikidadi Maeda (38) wa shehia ya Wesha wilaya ya Chake chake, amekubali ushauri wa wasaidizi wa sheria wa Jumuiya ya wasaidizi wa sheria wilayani humo, ‘CHAPO’ kulipa gharama za mpira mmoja wa miguu, alioupasua baada ya kumgonga kwa bahati mbaya, wakati timu ya ‘kaza buti’ inyomilikiwa na baraza la watoto la shehia hiyo, walipokuwa wakifanya mazoezi.

Mpira huo awali, ulikabidhiwa kwa uongozi wa baraza hilo ukitoka CHAPO, Machi 20, mwaka huu, kwa ajili ya timu hiyo, ikiwa ni ahadi ya wasaidizi wa sheria, walioitoa kwa watoto hao, mwishoni mwa mwaka jana.

Kwenye kikao cha sulhu kilichofanyika nyumbani kwa sheha wa shehia ya Wesha, mwananchi huyo alikiri kosa la kujichukulia sheria mikononi, mara baada ya tukio hilo la yeye kugongwa mpira wa uso.

Alisema siku ya tukio hilo, alikuwa nyumbani kwake, kando kando ya uwanja huo, wakati akiwa kwenye harakati zake, alishtukia mpira ukienda usoni mwake, na kumsababisha maumivu, jambo ambalo lilimsababishia kujawa na hasira.

‘’Baada ya kunipiga mpira, wachezaji wengine walinizomea na mimi kutokana na maumivu niliyopata nilichukua uamuzi ambao sio sahihi wa kuuchana mpira kwa kisu, ingawa nakiri kosa,’’alisema.

Aidha mwananchi huyo alikiri kuwa, nyumba yake iko kando kando ya uwanja mpira unaotumika na hata kwa mashindani ya wilaya, na upo zaidi ya miaka 100 kwa sasa.



‘’Mimi pamoja na maumivu niliyoyapata, lakini nakiri kuwa, nilitakiwa niwafuate wazazi wa watoto ama niripoti kwa sheha, kwa kosa walilonifanya, lakini nilijichukulia sheria mikononi, sasa naahidi kuwa Arpili 28, mwaka huu nitawasilisha fedha hizo kwa sheha,’’alifafanua.

Katika hatua nyingine, mwananchi huyo, alishauri kuwa ni vyema michezo inapofanyika katika uwanja huo, wachezaji wawe na tahadhari, ya hali ya juu, kwani kwa eneo ulipo uwanja wanaweza kusababisha maafa kwa wazee na watoto.




Akizungumza kwa niaba ya baraza la watoto, Mratibu wa baraza hilo Waride Seif Mohamed, aliwataka wananchi kujenga utamaduni wa kuripoti kwa sheha, wanapokoseana katika jamii.

Alieleza kuwa, hakuna kinga ya kuwa na hasira na kujichukulia sheria mikononi, kwani kwa sasa vipo vyombo kdhaa ngazi ya shehia ikiwemo wasaidizi wa sheria, askari shehia, mratibu wa wanawake na watoto na sheha mwenyewe, kwa ajili ya kupokea malalamiko mbali mbali.


‘’Mimi niwashukuru wasaidizi wa sheria kutoka ‘CHAPO’ kwa kufanikisha kikao cha sulhu, maana kwa upande wa baraza, lilikuwa limeshashindwa juu ya mgogoro huo,’’alieleza.

Kwa upande wake Msaidizi wa sheria wa shehia ya Wesha, Khadija Said Khalfan, alisema watoto au kundi jingine lolote linapokosea, ni vyema taratibu za kisheria zifuatwe.

‘’Sisi wasaidizi wa sheria kutoka CHAPO, kila siku tunaelimisha jamii, juu ya namna ya kuvitumia vyombo vya kisheria, inapotokezea shida yoyote, lakini sio kujichukulia sheria mikononi,’’alifafanua.


Hata hivyo amewataka wachezaji wa klabu hiyo ya ‘kaza buti’ ya baraza la watoto la shehia ya Wesha, kuwa waangalifu wanapokuwa mazoezini, kwani uwanja wao, uko katikati ya makaazi ya wananchi.

‘’Ni kweli wananchi ndio waliofuata uwanja hapa, lakini hiyo haiwi sababu ya kutoangalia watu wanapopita, maana kila mmoja ana haki yake katika nchi,’’alieleza.

Sheha wa shehia ya Wesha Haji Mohamed Ali, alimtaka mwananchi huyo kuhakikisha analipa fedha hiyo kwa siku aliyoahidi mwenyewe, ili kuepussha mingine ya kisheria.

Alieleza kuwa, shehia yake inavyombo tofauti kama waratibu, kamati ya maadili, watu maarufu, wasaidizi wa sheria ambapo mote humo unaweza kuwasilisha malalamiko.

‘’Hakuna sheria yoyote hata kama watoto walikuzomea na kisha ukapandwa na hasiri juu ya suala la kujichukulia sheria mkononi, hapo ukifanya unanunua kosa jingine kisheria,’’alifafanua.

Katika hatua nyingine, sheha huyo, alisema watoto wanazo haki zao mbali mbali ikiwemo kucheza, kusoma, kupewa majina mazuri, matibabu, chakula na mavazi.

Hata hivyo, ameutaka uongozi wa timu hiyo ya kaza buti, kuwa makini wanapokuwa kwenye michezo yao, kujenga heshima kwa watu wote pamoja kuwathimini wapiti njia.

Mapema kiongozi wa timu ya Kaza buti ya baraza la watoto shehia ya Wesha, Ahmed Issa Adam, alisema baada ya tukio hilo, walimuomba radhi mwananchi huyo, ingawa alikataa.




Hata hivyo, aliwapongeza wasaidizi wa sheria kutoka ‘CHAPO’ kwa kuumaliza mgogoro huo, na kuahidi kuwaangalifu wanapokuwa kwenye mazoezi yao.

Timu ya baraza la watoto la shehia ya Wesha wilaya ya Chake chake, itarejea tena uwanjani kuanzia Aprili, 28 mwaka huu, kuendelea na mazoezi, baada ya kusita kufanya mazoezi, kufuatia mpira waliokuwa wakitumia kupasuliwa wiki tatu zilizopita.

                               Mwisho

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more