CHAPO YAMALIZA SIUTAFAHAMU MATUMIZI UWANJA WA SOKA WESHA

 



NA ABDALLA MBAROUK, PEMBA @@@@

WASAIDIZI wa sheria kutoka wilaya ya Chake chake Pemba ‘CHAPO’ wamemaliza siutafahamu ya matumizi ya uwanja wa mpira wa miguu, baina ya timu ya watoto ya Baraza la watoto la shehia ya Wesha na wachezaji wa vilabu vikubwa shehiani humo.

Itakumbukwa kuwa, Disemba 17, mwaka 2023, wasaidizi hao wa sheria, walipokea lalamiko la kusitishwa kwa matumizi ya uwanja uliopo Wesha kwa sheha, timu ya kazabuti inayomilikiwa na baraza la watoto la shehia hiyo, wakielezwa kuwa, hawana haki ya matumizi ya uwanja huo.

Ambapo baada ya malalamiko hayo, wasaidizi wa sheria kutoka CHAPO, wakiongozwa na Msaidizi wa sheria mwenyeji wa shehia ya Wesha, Khadija Said Khalfan, waliahidi kulitafutia ufumbuzi lalamiko hilo.

Msaidizi wa sheria huyo akiwa na wenzake watatu, waliahidi kukutana na uongozi wa vilabu vikubwa vinavyotumiwa uwanja huo, ili kuona na timu ya kaza buti ya baraza la watoto la shehia ya Wesha, nao wanautumia uwanja huo kufanya mazoezi.




Ndipo leo Machi 16, 2024, wasaidizi hao wa sheria, walikuwa na kikao cha wazi kati ya uongozi wa baraza la watoto, mwakilishi wa timu wanaotumia uwanja huo, askari shehia na wananchi wengine, na kukubaliana juu ya matumizi ya uwanjua huo.

Akizungumza kabla ya kufikia makubaliano hayo, Msaidizi wa sheria wa shehia Wawi Haji Nassor Mohamed, alisema moja ya haki ya msingi za mtoto, ni kucheza michezo kadhaa.

Alieleza kuwa, kama uwanja uliopo shehia ya Wesha ni mmoja, ni vyema kwa timu kubwa kupangiana zamu, ili na timu ya watoto ya Kaza buti, nayo ipate haki ya matumizi ya uwanja huo.





‘’Hii timu kubwa ya Wesha, ambayo sasa inaendelea kufanya vizuri, chanzo chake ilikuwa kama ilivyo hii ya watoto, ambapo kwa wakati huo, ililelewa na watu wazima waliokuwepo, na sasa ndio inatamba,’’alieleza.

Hivyo amewanasihi wachezaji wa timu kubwa, kuangalia uwezekano wa haraka, ili kuvilea vipaji vya watoto wao, kwani ndio wanapoanzia kutoka kwa wachezaji wa vilabu vya timu za Simba, Yanga na kisha timu ya taifa.

Awali Msaidizi wa sheria kutoka shehia ya Wara Sabah Abdalla Mohamed, alisema, watoto wanazo haki nyingi, moja wapo ni kusoma, kulindwa na kucheza.





‘’Sisi wasaidizi wa sheria, leo tumeshawakabishi mpira mmoja na filimbi, sasa ni wajibu wazazi, walezi, wamiliki wa uwanja na wachezaji wa timu kubwa, kupanga nao ratiba, ili wakuze vipaji vyao kupitia uwanja huo,’’alieleza.

Kwa upande wake Mkagauzi wa Polisi, anayeshughulikia shehia hiyo, Khamis Ali Khamis alisema, kukabidhiwa kwa mpira huo na ruhusa ya kucheza kwao, isiwe chanzo cha kukatisha masomo.

‘’Wakati mnautumia uwanja huu kukuza vipaji vyenu, mkumbuke kuwa, bado wajibu wenu wa kutafuta elimu na kusoma kwa bidii, ipo pale pale, sasa michezo isiwe chanzo cha kuacha masomo,’’alifafanua.



Mapema kiongozi wa timu ya Kaza buti ya baraza la watoto shehia ya Wesha, Ahmed Issa Adam, alisema watautumia muda wa ziada kufanya mazoezi katika uwanja huo.

Hata hivyo, aliwapongeza wasaidizi wa sheria kutoka CHAPO, kwanza kwa kutimiza ahadi ya kuwanunulia mpira na filimbi, kama ambavyo waliwaahidi wakati walipokutana nao mwishoni mwa mwaka, jana.




‘’Lakini tuendelee kuwashukuru kwa kulipatia ufumbuzi suala la matumizi ya uwanja, kwani timu kubwa, walidhani sisi hatuna haki ya matumizi ya uwanja, lakini leo, tunashukuru wameshakubali,’’alisema.

Mwakilishi wa vilabu vikubwa wanaotumia uwanja wa Wesha Kassim Yussuf Ali, alisema kuanzia sasa uwanja huo, utatumiwa na rika zote, ikiwa ni njia moja yapo ya kuibua, kukuza na kuendeleza vipaji.

‘’Ni kweli hata sisi ambao leo tunaitwa timu kubwa, miaka 25 iliyopita tulikuwa wadogo na kuruhusiwa kucheza, na ndio maana sasa tunaiwakilisha hata Pemba, kwenye mpira wa miguu,’’alieleza.

Mratibu wa Baraza la watoto shehia ya Wesha Waride Seif Mohamed, alisema atahakikisha timu hiyo inafika mbali, kwani kwa sasa michezo imekuwa ikizaa ajira na kujenga uhusiano mwema.




Hata hivyo, alisema watajipanga vyema ili kuhakikisha wanalifanyia kazi wazo la kutafuta fedha nusu na kisha kuziwasilisha kwa wasaidizi wa sheria, kwa ajili ya ununuzi wa jezi kwa timu hiyo.

Wasaidizi wa sheria kutoka Jumuiya ya wasaidizi wa sheria wilaya ya Chake chake Pemba CHAPO, wanaendelea na kutekeleza mpango wao kazi, wa kukutana na makundi mbali mbali, ili kusikiliza changamoto zao za kisheria.

                          Mwisho

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more