‘TCACL’: ELIMU IWE NYUNDO YA KUVUNJIA VIKWAZO VYA MTOTO WA KIKE’

 



NA HAJI NASSOR, PEMBA

MKUU wa Program za Mtandao wa Kupinga Utumikishwaji wa Watoto Tanzania ‘TCACL’ Adam Matiko Charles, amesema wakati Afrika, ikiadhimisha siku ya haki za binaadamu, lazima jamii iondokane na mawazo pekee kuwa, elimu ni haki ya msingi, na waifanye kuwa nyundo ya kuvunja vikwazo kwa mtoto wa kike.

Alisema, jamii bado inamtazamo wa zamani juu ya elimu, kama haki ya kawaida ya msingi kwa mtoto, lakini wakati umefika sasa, kuifanya nyundo yenye kuvunja na kupasua vikwazo, vinavyomzungumka mtoto wa kike.

Mkuu huyo wa Program, aliyasema hayo skuli ya msingi ya Dk. Philipi Mpango, Gombani Chake chake kisiwani Pemba, wakati akizungumza na wanafunzi, waalimu, wazazi na watetezi wa haki za binaadamu, kwenye maadhimisho ya siku ya haki za binaadamu Afrika.

Alisema, siku hiyo ni muhimu kwa jamii, kuangalia ikiwa kuna vikwazo mbali mbali kwa mtoto wa kike, na kuangalia uwezekano kwa kuviondosha kupitia elimu wanayoipata.





‘’Kwa sasa, lazima elimu bora na yenye manufaa kwa mtoto wa kike, isiwe kama anasa, bali iwe msingi mkuu wa kumuwezesha kijinasua na majanga mbali mbali kama ya udhalilishaji, ukatili wa kingono,’’alieleza.

Kataika hatua nyingine alisema, wakati umefika sasa kwa asasi za kiraia, mashirika pamoja na serikali kuu, kuunganisha nguvu za pamoja, ili kupinga utumikishwaji wa watoto Tanzania.

‘’Kwa mfano utumikishwaji, ajira za utotoni, ukatili wa kijinsia, kukoseshwa haki za elimu, matunzo, afya bora na makuzi na malezi ambayo ndio msingi mkuu wa maisha yao baadae,’’alieleza.

Kuhusu Mtandao huo, Mkuu huyo wa Program alisema, kuwa wanaowanachama 40 kwa Tanzania bara na Zanzibar, ambapo wamekuwa wakihakikisha watoto wanakuwa salama, katika nyanja mbali mbali za maisha yao.

Mapema Afisa Elimu na Mafunzo ya Amali wilaya ya Chake chake, Bur-han Khamis Juma, aliwataka watoto, kuweka pembeni anasa na kushughulikia zaidi elimu, ambayo ndio mkombozi wao wa baadae.

Alieleza kuwa, wakati huu wizara ya elimu na Mafunzo ya Amali ikiendelea kuweka miundombinu rafiki ya kujipatia haki ya msingi ya elimu, ni vyema wanafunzi wakakaza kamba, wanapokuwa masomoni.





‘’Wizara imekuwa ikijenga miundombinu ya kisasa ya elimu, pamoja na upatikanaji wa vitabu, sasa ni wajibu wenu wanafunzi kusoma kwa bidi, ili ufaulu uongezeke,’’alieleza.

Akizungumzia kuhusu siku ya haki za binaadamu barani Afrika, alisema ni siku ya kutafakari juu ya haki za binadamu, zinavyovunjwa na baadhi ya watu, jambo linahatarisha maendeleo katika sekta mbali mbali.

Kwa upande wake Mwakilishi wa Jumuiya za wasaidizi wa sheria Pemba ‘JUWASPE’ Nassor Bilali Ali, alisema kama jamii haikuweka mkazo katika kuzilinda haki za binaadamu, kunaweza kukaendelea kuripotiwa visa kadhaa.




‘’Kila mmoja, na kwa nafasi yake anayonafasi ya kuzilinda haki za binaadamu, na wala hakuna sheria au kanuni, inayohalalisha watu kujichukulia sheria mikononi, maana vyombo husika vipo,’’alieleza.

Mwalimu mkuu wa skuli hiyo Halima Khamis Salim, alisema maadhimisho hayo kufanyika skulini kwake, kumesaidia kuwaasha watoto, namna bora ya kudai haki zao mbali mbali.




Sheha wa shehia ya Kwale Khamis Salim Ali, alisema vyombo vya sheria vinawajibu wa kutoa adhabu kali, kwa washtakiwa wa makosa mbali mbali ya ukatili wa kijinsia.






Hii ni mara ya kwanza kwa Mtandao wa kupinga utumikishwaji wa mtoto Tanzania ‘TCACL’ kufanya maadhimisho ya siku ya haki za binaadamu Afrika, ambapo ujumbe wa mwaka huu ‘haki ya elimu bora kwa wote na haki kwa Afrika’, awali kulitanguliwa na matembezi ya wanafunzi, waalimu na watetezi wa haki za binaadamu.

                             Mwisho    

 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more