WASAIDIZI WA SHERIA 'CHAPO' WATOA UJUMBE KWA WANAFUNZI

 



Na, Hassan Msellem, Pemba

 

WANAFUNZI skuli ya Sekondari ya Dk. Salim Ahmed Salim iliyopo Wara wilaya ya Chake -chake Pemba, wametakiwa kujiepusha na vitendo vya udhalilishaji na utumiaji wa dawa kulevya, ili kufikia malengo waliojiwekea.

 

Akitoa elimu ya msaada wa kisheria kwa wanafunzi hao  Septemba 11, 2023, Msaidizi wa Sheria shehia ya Wawi Haji Nassor Mohamed, alisema tafiti zinaonesha kuwa, waathirika wakuu wa vitendo hivyo, ikiwemo ubakaji, ulawiti na ukatili wa kijinsia, ni wanafunzi skuli.

 

Aidha amewasihi wanafunzi hao, kuwatumia wasaidizi wa Sheria, ili kupata ufumbuzi juu ya changamoto mbali mbali za kisheria, zinazowakabili.

 

"Udhalilishaji ni kumfanyia mtu kitendo chochote, ambacho kitamuathiri kimwili, kiakili au kisaikolojia, hivyo ni vyema mkajiepusha na hili,’’alieleza.




 

Nae Msaidizi wa Sheria Jimbo la Wawi Fatma Hilal, amesema miongoni mwa sababu zinazochangia baadhi ya wanafunzi kushindwa kuendelea na masomo na kutokutimiza ndoto walizojiwekea ni pamoja utumiaji wa dawa za kulevya.

 

"Kuna athari nyingi sana za utumiaji wa dawa za kulevya na miongoni mwa athari hizo, ni mabadiliko hasi ya kitabia ambayo mabadiliko hayo yanapelekea wizi, ubakiji, ulawiti kama ni mwanafunzi unapotumia tunaweza kushindwa kuendelea na masomo,’’alifafanua.

 



Kwa upande wake Mkaguzi Msaidizi wa Jeshi la Polisi kutoka Shehia za Wawi na Wara Inspekta Issa Ahmada Iddi, amewasihi wanafunzi hao, kuachana na dhana kuwa, mwanafunzi hawezi kuchukuliwa hatua za kisheria, pindi anapofanya kaso, jambo ambalo sio sahihi.

 

Akifunga mkutano huo mwalimu Mkuu wa Skuli hiyo Khamis Said Othman, amewasihi wanafunzi hao kuwa karibu zaidi na walimu wao, ili kufahamu changamoto zinazowakabili na kuweza kupatiwa ufumbuzi wa haraka.

 

"Mimi ni wasihi tu kuwa licha ya kupata elimu hii ya kupinga udhalilishaji na athari za matumizi ya dawa za kulevya, bado muelewa kuwa, mshauri wenu mkuu ni waalimu kabla ya kuzifikisha popote,’’alifafanua.

 


 Sheha wa shehia ya Wara, Massoud Mohamed Khamis aliwakumbusha wanafunzi hao, kuwaripoti kwenye vyombo vya sheria wazazi na walezi, ambao wanajihusisha na vitendo viovu ikiwemo, vya ulevi na udhalilishaji.

 

"Tunafahamu kuwa wapo baadhi ya wazazi na walezi wenye tabia mbaya, ikiwemo ya ulevi, wizi pamoja na kuwadhalilisha watoto kingono, naomba niwaambie kuwa musiwavumilie watu wa aina hii, na msisite kutoa taarifa kwa walimu wenu,’’aliwakumbusha.

 



 

Nao baadhi ya wanafunzi hao wameahidi kuifanyia kazi elimu hiyo, ili kufanya vizuri katika masomo sambamba na kutimiza ndoto walizojiweke.

 

"Kwakweli leo tumejifunza mambo mengi sana, kuhusu udhalilishaji na athari ya matumizi ya dawa za kulevya, na tunaahidi kuitumia elimu hii katika kipindi chote cha maisha yaetu,’’walisema wanafunzi hao.

  

Jumuiya ya Wasaidizi wa sheria Wilaya ya Chake Chake (CHAPO), kwa sasa imo katika mkakati maalum wa kukutana na makundi kadhaa, kutoa elimu, ambapo hivi karibuni ilikuwa shehia za Mvumoni, Wesha, Kilindi, Ole, Ziwani na Uwandani.  

                   MWISHO

 

 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more