CHAPO: ‘WARIPOTINI WAZAZI, WAALIMU, WAJOMBA WANAOTAKA KUWADHALILISHA''

 



NA MWANDISHI WETU, PEMBA

WANAFUNZI wa chuo cha Kur-an cha Kichangani shehia ya Mgogoni Jimbo la Wawi, wilaya ya Chake chake Pemba, wamekumbushwa kuwaripoti wazazi, waalimu, walezi na watu wengine, wanapoona dalili za wao, kutaka kudhalilishwa.

Walieleza kuwa, moja ya dalili hiyo ni mtu huyo kuongeza mapenzi ya kupindukia, kumpa zawadi zisizotarajiwa na kumshika shika sehemu nyeti za mwili wake, ikiwemo kifuani na makalio.

Ushauri huo umetolewa na Msaidizi wa sheria, Jimbo la Wawi Fatma Hilali, wakati akizungumza na wanafunzi hao na waalimu, kwenye mkutano wa wazi, wa utoaji elimu, juu ya namna ya kujikinga na majanga yakiwemo ya udhalilishaji.

Aliwaambia wanafunzi hao kuwa, dalili nyingine ni kupigwa mabusu sehemu tofauti za mwili, kupewa fedha na hasa na mtu asiyemjua pamoja na kupakatwa.

‘’Wanafunzi mkiona kuna dalili za kawaida, mtu anakushika kwenye mashavu, makalio, kifuani, mbavuni, anakupa pesa na hasa kwa mtu wa nje, pipi toweni taarifa kwa waalim au wazazi,’’alisema.

Katika hatua nyingine, Msaidizi huyo wa sheria, alisema moja ya athari za udhalilishaji kwa watoto, ni kupata athari ya viungo vya uzazi, kiakili, kupoteza mwelekeo wa masomo.



Kwa upande wake Msaidizi wa sheria wa shehia ya Wawi Haji Nassor Mohamed, aliwataka wanafunzi hao, kuacha michezo inayopelekea kugusana sehemu zao nyeti, ikiwemo makalio.

‘’Kuna michezo hasa kwa wanafunzi wa kike, ya kupigana makofi kwenye makalio na kisha kufukuzana, na kwa wanaume kuchezeana chezeana ovyo, michezo hii inaweza kuzaa janga, iacheni,’’alieleza,

Akizungumzia haki za watoto kwa mujibu wa sheria ya Mtoto nambari 6 ya mwaka 2011, alisema ni pamoja na kupewa jina zuri baada ya kuzaliwa, matibabu, elimu, matunzo, kulindwa pamoja na kusikilizwa.

Aidha aliwaeleza wanafunzi hao kuwa, wajibu wao kwa jamii, ni kuwatii wazazi, walezi, waalimu, kushiriki kwa mambo yanayowahusu, kushughulikia masomo na kutoa taarifa zinazoweza kusababisha madhara kwao.




Mapema Mratibu wa wanawake na watoto shehia ya Mgogoni Khadija Ramadhan Mbwana, aliwataka wanafunzi hao, kuacha tabia ya kujificha vikachakani.

‘’Wapo wanafunzi wanaondoka nyumbani, lakini wanaishia vichakani na ikifika wakati wenzao wanarudi madrassa nao huungana pamoja, jambo sio zuri,’’alikemea.

Katika hatua nyingine, Mratibu huyo alipongeza utaratibu wa ‘CHAPO’ wa kuunda timu ya wasaidizi wa sheria, kupita katika makundi ya jamii, kutoa elimu ya majanga mbali mbali.

Akifungua mkutano huo, Mwalimu mkuu wa Madrassa hiyo Mohamed Ali Omar, alisema njia ya ushirikiano katika kuwalinda watoto na majanga, inaweza kuwasaidia kuwaweka salama.

‘’Kama wazazi, walezi, waalimu, wasaidizi wa sheria na serikali tukiungana kuwalinda watoto, wahalifu wanaweza kukoma, kwani kwa sasa mashambulizi yanaelekezwa kwao,’’alieleza.




Mwalimu Zaina Jongo Juma, alisema lazima msisitizo mkali wa kisheria uwepo, kwa watakaobainika kuwafanyia vitendo vya udhalilishaji watoto.

Wanafunzi katika Madrassa hiyo, wameahidi kuyafanyiakazi maagizo na makatazo waliyoelezwa, pamoja na kuifikisha elimu hiyo kwa wenzao.

Utafiti uliofanywa na Chama cha waandishi wa habari Wanawake Tanzania TAMWA-Zanzibar miaka mitatu iliyopita, umewaibua baba wazazi13, waliowafanyia ubakaji watoto wao wa kuwazaa, kati ya hao tisa (9) Unguja na watatu (3) kisiwani Pemba.

 

Ilibainika pia kuwa, baba walezi na wakambo 25, Unguja wakiwa 13 na Pemba 12 waliowabaka watoto wao wa kuwalea katika mazingira tofauti.

 

                             Mwisho

 

 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more