‘’MLIOPEWA MAFUNZO WA SHERIA WAWI WAHAMASISHENI WANANCHI KUDAI HAKI ZAO’' CHAPO

 


NA MARYAM SALUM, PEMBA@@@@

KAIMU Mwenyekiti wa Bodi ya wadhamini wa Jumuiya ya wasaidizi wa sheria wilaya ya Chake chake Pemba, ‘CHAPO’ Kassim Ali Omar, amewataka wahitimu wa mafunzo ya sheria, kutoka shehia ya Wawi, kuwahamasisha watu kudai haki zao mbali mbali.

Wito huo aliutoa leo Juni 19, 2023 Vikutani shehiani humo, kwenye ufungaji wa mafunzo ya siku ya tano, ya sheria kwa wajumbe wa kamati ya sheha na kamati nyengine, za shehia ya Wawi.

Alisema, anaamini kwa mafunzo hayo, washiriki hao watakuwa waalimu wazuri kwa wenzao, katika kuwahamasisha kudai haki zao mbali mbali badala ya kuwakatisha tamaa.

Alieleza kuwa, ndani ya mafunzo hayo wamejua mambo ambayo yanaweza kusababisha kesi kufutwa, kuondolewa au mtuhumiwa kutumikia kutiwa hatiani.

‘’Mimi naamini kwa mafunzo haya mliopewa ya sheria ngazi ya shehia, mtakuwa na uwezo kuwahamasisha wale waliokata tamaa, kwenda kudai haki zao, mbali mbali,’’alieleza.

Katika hatua nyingine, Kaimu Mwenyekiti huyo wa Bodi ya wadhamini wa CHAPO Kassim Ali Omar, alisema wakati umefika sasa, wa kuunganisha nguvu katika mapambano dhidi ya dawa za kulevya na udhalilishaji.




 ‘’Jamii yetu inazungumkwa na udhalilishaji, dawa za kulevya, migogoro ya ardhi, ndoa hivyo mafunzo haya sasa, yatuunganishe pamoja kuyashinda majanga hayo,’’alieleza.

Akizungumzia kuhusu uwepo wa wasaidizi wa sheria katika shehia ya Wawi, alisema hiyo ni faraja na kuwataka wananchi kuendelea kuwatumia.

‘’Kwa hakika, hili la wasaidizi wa sheria shehia ya Wawi na uongozi wa ‘CHAPO’ kubuni mafunzo haya, ni jambo linalofaa kuendelezwa, katika shehia nyingine,’’alieleza.

Alisema kuwa, lengo kuu la kuanzishwa kwa wasaidizi wa sheria kwa kila shehia, ni kuona kwamba ile migogoro isiyokuwa ya lazima kwa wananchi, inapungua.

Mapema Mkurugenzi wa Jumuiya ya wasaidizi wa sheria wilaya ya Chake Chake Pemba ‘CHAPO’ Nassor Bilali Ali, alisema mafunzo hayo, wanakusudia kuyasambaaza katika shehia zote 32 za wilaya hiyo.



Alieleza kuwa, lengo la kufanya mafunzo hayo, ni kuona  wanatatua ile migogoro ambayo siyo ya lazima, kwa jamii ili kwenda sambamba na upatikanaji wa haki zao.

“Tunalengo la kuibadilisha jamii katika kutatua migogoro hasa kwa ile isiyokuwa ya lazima, ikiwemo ya mirathi, ardhi, matunzo ya watoto, hivyo ni imani yangu kuwa, mafunzo haya yatazaa matunda,” alieleza.

Hata hivyo aliupongeza uongozi wa shehia ya Wawi wilaya ya Chake chake, kwa kushirikiana vyema na CHAPO, hadi kufanikisha mafunzo hayo ya kwanza kwa Zanzibar.

Kwa upande wake Mratibu wa mafunzo hayo, ambae pia ni Msaidizi wa Sheria Jimbo la Wawi Chake Chake, Haji Nassor Mohamed alisema kuwa mafunzo hayo, yalengo la kuelimisha jamii, juu ya upatikanaji wa haki.

Hivyo aliwataka washiriki hao kuyatumia vyema mafunzo waliyopewa, kwa kuyafanyia kazi, ikiwemo kuwapatia wengine, ili yaweze kuleta matunda hapo baadae.

Sheha wa Shehia ya Wawi Sharifa Waziri Abdalla, alieleza kuwa wanaimani kwamba mafunzo hayo, yatakuwa chachu ya maendeleo katika shehia yao.



‘’Kwa hakika mpango wa kuwepo kwa wasaidizi wa sheria katika shehia, umekuja kuimarisha upatikanaji wa haki na utatuzi wa migogoro, na mfano mzuri ni hapa Wawi,’’alieleza.

Mmoja wa washirikia hao Juma Mohamed Tamimu alisema kuwa, mafunzo hayo yataleta tija katika shehia yao ya Wawi.

“Kuna mambo mengi tulikuwa hatuyafahamu, baada mafunzo haya ya kisheria, tumelewa njia za kutafuta haki, tumeweza kujua mengi na tutahakikisha tutawapatia na wenzetu ili waondokane na migogoro mbali mbali,” alieleza.

Nae Mtama Mohamed Mohamed, alisema kazi iliyobakia mbele yao ni kuyanfanyia kazi mafunzo hayo, ili yalete tija kwa wananchi mbali mbali hasa wasiokuwa na uwezo.

‘’Miongoni mwetu wamo pia wajumbe wa kamati ya sheha ambao wamekuwa wakipokea migogoro kila siku, sasa mafunzo haya yatakuwa chachu ya kufanikisha kazi zetu,’’alieleza.



Nao Fatma Kassim na Khamis Mwinjaa, walisema mafunzo hayo ni vyema, yakawa endelevu kwa makundi mengine ndani ya shehia, ili kuhakikisha kila mmoja amepata uwelewa.

 Mafunzo hayo ya siku tano, yameandaliwa kwa pamoja kati ya Jumuia ya wasaidizi wa sheria wilaya ya Chake Chake Pemba ‘CHAPO’ na uongozi wa shehia ya Wawi, ambapo mada 12 zilifundishwa ikiwemo Mirathi, sheria ya mtoto, sheria ya aradhi, sheria ya Ushahidi pamoja na aina za ukamati kisheria.

                                                 MWISHO.

 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more