WASAIDIZI WA SHERIA 'CHAPO' WAKUMBUSHWA JAMBO MUHIMU

 



NA HAJI NASSOR, PEMBA@@@@

WASAIDIZI wa sheria wilaya ya Chake chake Pemba, wakumbushwa kuwahudumia wananchi kwa kuwapa elimu, ushauri na msaada wa sheria, ili iwe rahisi kupata ufumbuzi wa haki zao.

Ushauri huo umetolewa leo Mei 7, 2023 na Mkurugenzi wa Jumuiya ya wasaidizi wa sheria wilaya ya Chake chake Pemba ‘CHAPO’ Nassor Bilali Ali, wakati akizungumza na wasaidizi hao wa sheria, kwenye kikao maalum cha mwezi, kilichofanyika ofisini kwao.

Alisema, lazima wasaidizi hao wa sheria waelewa kuwa, wajibu wao kwa jamii, ni kuendelea kuwahudumia kila siku na kila wakati, kwani wamekuwa wakiwategemea katika kuapata haki zao.

Alieleza kuwa, ndio maana CHAPO kwa kushirikiana jumuiya nyingine, imekuwa ikiwapatia mafunzo ya kuwajengea uwezo wasaidizi hao wa sheria, ili wawe na uweledi wanapokutana na jamii.



Mkurugenzi huyo alifahamisha kuwa, wapo wananchi ambao wameshakata tamaa ya kupata haki zao, hivyo ni wajibu wa wasaidizi wa sheria, kuwapa ushauri ili kutimiza ndoto zao.

‘’Kwanza niwashukuru kwa kazi mnayoendelea kuifanya, lakini endeleeni kukaza kamba, katika kuwahudumia wananchi, hasa suala la kuwapa elimu na msaada wa kisheria,’’alieleza.

Katika hatua nyingine, Mkurugenzi huyo wa CHAPO, alisema wameshajipanga, ili kuhakikisha wananchi wa shehia ya Wawi, kama eneo la majaribio kuwezesha kielimu.

‘’Wawi tumeichagua kama eneo la majaribio, kwa kuanzisha darasa maalum la kuwafundisha wanajamii sheria mbali mbali, na kisha mpango huo utaendelea kwenye shehia nyingine,’’alieleza.

Akizungumzia juu ya umoja na mshikamano, amewakumbusha wasadizi hao wa sheria, kuendelea kusaidiana, kushirikiana katika shughuli zao mbali mbali, za kuwafikia wananchi.

Mapema Mratibu wa ‘CHAPO’ Mohamed Hassan Ali, aliwakumbusha wasaidizi wa sheria, wanaopata mafunzo mbali mbali, kuwashirikisha na wengine.



‘’Kwa mfano, hivi karibuni tulipata mafunzo ya mabadiliko ya sheria, sasa kama kuna wenzetu hawakupata, lazima tuwaelekeze,’’alifafanua.

Aidha amewahimiza wasaidizi hao wa sheria, kuhudhuria na kwa wakati, wanapokuwa na vikao vyao ndani, kwani huwa wanamambo kadhaa ya kuyajadili.

‘’Kwanza tupunguze utoro na dhararu, maana sisi wasaidizi wa sheria, ndio tegemeo la wananchi wa wilaya ya Chake chake, katika eneo la utoaji wa elimu, msaada na ushauri wa kisheria,’’alieleza.

Msaidizi wa sheria Jimbo la Ziwani, Khadija Said Khalfan, alisema anaunga mkono wazo la kujipangia ratiba na kuhudhuria ofisi ya ‘CHAPO’ kwa ajili ya kutoa huduma.

‘’Ni kweli, lazima tujangie utaratibu wa kuja ofisini kila siku, ili kuwapokea wananchi ambao wanahitaji ushauri, msaada au elimu ya kisheria,’’alipendekeza.




Nae Msaisizi wa sheria, Jimbo la Chake chake Rikizi Hamad Ali, amesema, umoja na mshikamano ndio ambao utepelekea ‘CHAPO’ kuwa juu kiutendaji.

‘’Tufanyeni kazi kwa timu, ili tukienda sehemu moja kutoa elimu tunakwenda kwa wingi, kwani wengine watapata kujifunza na wengine, kuongeza uweledi,’’alishauri.

CHAPO imekuwa na utaratibu wa kukutana na wanachama wake kila mwisho wa mwezi, ambapo pamoja na mambo mengine, ni kuwasilisha ripoti za mwezi za utoaji elimu na msaada wa kisheria.

                                 Mwisho    

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more