‘CHAPO’ YAWAKOSHA WANANCHI KILINDI ELIMU YA SHERIA

 



NA HAJI NASSOR, PEMBA@@@@

WANANCHI wa kijiji cha Kuungeni shehia ya Kilindi wilaya ya Chake chake Pemba, wamesema mfumo uliofanywa na Jumuiya ya wasaidizi wa sheria wilaya ya Chake chake Pemba ‘CHAPO’ kuwafuata kijijini kwao na kuwapa elimu ya kisheria, inafaa kuendelezwa.

Walisema, mfumo huo unafaa kuendelezwa na kuwa imara zaidi, kwani umewasaidia katika kukuza uwelewa wao, hasa masuala la haki na fursa zao kisheria.

Wakizungumza kwenye mkutano wa wazi, uliofanyika Mei 14, 2023 kijijini hapo, walisema wamepata uwelewa wa mambo kadhaa, ikiwa ni pamoja na maana ya wizi kisheria.

Wananchi hao walisema, wamejua njia ambazo mwananchi anaweza kuingia kwenye kosa la wizi, ikiwa ni pamoja na kununua vifaa vya wizi, kuficha taarifa pamoja na kumpa mawasiliano.

Mwananchi Massoud Juma Khamis, alisema ujio huo wa watendaji wa CHAPO, umewaamsha katika ufahamu pia wa masuala ya udhalilishaji, ule ambao sio maarufu kwa jamii.

Alieleza kuwa, kutopeleka huduma za kibinadamu ambazo zinaweza kuwasababishia watoto kubakwa, kudhalilishwaji ni mambo ambayo hawakujua madhara yake.




‘’Tukiona tu kuwa, kama hakuna huduma athari kubwa ni familia kulia njaa, lakini sasa tumeelewa kuwa, kumbe watoto wanaweza kujiingiza kwenye udhalilishaji, kwa kule kutafuta huduma,’’alieleza.

Nae Yussuf Bakar Khamis, alisema mpango huo wa ‘CHAPO’ lazima uwe endelevu kwa vijijini vyengine, ili wananchi wapate uwelewa.

‘’Kwanza, niwapongeza sana wasaidizi hawa wa sheria kutoka CHAPO, maana leo (jana), mmetufumbua macho, na tunawaomba msikae tena sana mje,’’alieleza.

Akifungua mkutano huo, Sheha wa shehia ya Kilindi wilaya ya Chake chake Nassor Mohamed Khamis, alisema ni wajibu wa wananchi, waliopata taaluma ya kisheiria, kuwafikishia wenzao.

‘’Inawezekana, yupo mwanakijiji mwenzetu hapa Kuungeni hakuwahi kufika, sasa ni wajibu wetu kuhakikisha anafikishiwa elimu hii ya kisheria,’alifafanua.




Katika hatua nyingine, sheha huyo aliwataka wananchi kuendelea, kuwaripoti wahalifu na wadhalilishaji mbali mbali, ili serikali kwa upande wake, ichukuwe hatua.

Mapema Mkurugenzi wa Jumuiya ya wasaidizi wa sheria wilaya ya Chake chake Pemba ‘CHAPO’ Nassor Bilali Ali, alisema wamekuwa wakitoa msaada wa kisheria, bila ya malipo.

Alieleza kuwa, ni wajibu wa wananchi sasa kuwatumia wasaidizi wa sheria waliopo shehiani, kwa ajili ya kupata ufumbuzi wa masuali mbali mbali ya haki zao.



Akizungumzia kuhusu kampeni ya kitaifa ya msaada wa kisheria ya Rais wa Jamhuri ya Muungano wa Tanzania Samia Suluhu Hassan, alisema inalenga kukuza uwelewa kwa jamii, juu ya sheria msaada wa kisheria.

Mratibu wa ‘CHAPO’ Mohamed Hassan Abdalla, alisema moja ya jambo ambalo wananchi wanashindwa kutofautisha, ni kati ya kesi kumalizika na mtuhumiwa kupewa dhamana.

‘’Mkimuona mtuhumiwa ambae mmepeleka Polisi anaranda mtaani, wakati mwengine amepata dhamana, ambayo ni haki ya mtuhumiwa, hili lazima tulijuwe,’’alifafanua.



Msaidizi wa sheria Jimbo la Chonga Juma Seif Haji, alisema jamii isipokuwa makini kwenye dawa za kulevya, vijana wanaweza kupoteza mwelekeo wa maisha yao.

‘’Moja ya jukumu letu, ni kutoa taarifa kwenye mamlaka husika, ikiwemo Jeshi la Polisi, maana athari zake huikumba jamii ikiwemo vitendo vya wizi na udhalilishaji,’’alieleza.



Msaidizi wa sheria Jimbo la Ziwani Khadija Said Khalfan, amewataka wanaume, kutekeleza majukumu yao, kwa kina ili kutowaingiza wanawake kwenye majaribu ya maisha.



CHAPO inaendelea na mpango wake wa kupita katika shehia kadhaa za wilaya ya Chake chake, kwa ajili ya kukutana na wananchi kusikiliza changamoto zao, za kisheria.

                           Mwisho

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more