CHAPO KUZINDUA MAFUNZO MAALUM YA KISHERIA WAWI MACHI 11, 2023

 

 


NA HAJI NASSOR, PEMBA@@@@


JUMUIYA ya wasaidizi wa sheria wilaya ya Chake chake Pemba ‘CHAPO’, asubuhi ya leo, inatarajia kufungua mafunzo maalum ya sheria ngazi ya jamii, kwa lengo la kuwapa uwelewa wanajamii.

Akizungumza na mwandishi wa habari wa hizi ofisini kwake leo Machi 10, 2023 mjini Chake chake, Mkurugenzi wa ‘CHAPO’ Nassor Bilali Ali, alisema, tayari kila kitu kimeshakamilika kuelekea mafunzo hayo.

Alisema, mafunzo hayo ya kwanza na maalum kufanywa kwa aina yake, ni miongoni mwa mpango kazi wa ‘CHAPO’ katika kuwaelimisha wananchi masuala ya kisheria.

Alieleza kuwa, ‘CHAPO’ inaamini kila mwananchi anayo haki ya kupata uwelewa wa masuala ya kisheria, na ndio maana ‘CHAPO’ ikabuni mpango huo.

Mkurugenzi huyo alifafanua kuwa, mafunzo hayo kwa kuanzia, yataanzia shehia ya Wawi kama eneo la majaribio, na kisha kusambaa katika majimbo manne ya wilaya ya Chake chake.

‘’Uzinduzi wa mafunzo haya yanatarajiwa kufanyika Machi 11, ukumbi wa Kiwanda cha Mafuta ya Makonyo Wawi wilaya ya Chake chake, na tayari kila kitu kimekaa sawa,’’alieleza.

Aidha Mkurugenzi huyo wa ‘CHAPO’ alisema, ubunifu wa mafunzo hayo, yalitokana na wasaidizi wao wa sheri wa Jimbo la Wawi, ikiwa ni hatua ya kuwafikia wananchi kupata elimu hiyo.

‘’Wazo la wasadizi wa sheria wetu hawa, kwanza tumelipokea mikono miwili, na sasa tumeona liwe la wilaya nzima, ili kuhakikisha kila jimbo, mafunzo hayo yanasambaa,’’alieleza.

Alieleza kuwa, kwa hatua za awali jumla ya wananchi 20 wa shehia ya Wawi, wakiwemo wajumbe 10 wa kamati ya sheha na wananchi wengine 10, ndio watakaoingia kwenye mafunzo,’’alifafanua.

Msaidizi wa sheria Jimbo la Wawi Fatma Hilali, alisema uongozi wa shehia ya Wawi, umeshatoa baraka zote kuelekea mafunzo hayo, ikiwa ni pamoja na kukubali kutoa washiriki.

Hata hivyo, alisema anatamani kuona mfumo huo wa mafunzo, unaendelezwa wilaya yote ya Chake chake na hatimae Zanzibar nzima.




Afisa Sheria kutoka Idara ya Katiba na Msaada wa Kisheria Zanzibar ofisi ya Pemba Bakari Omar Ali, alipongeza hatua hiyo, na kuomba zoezi hilo, lihamie kwenye majimbo na wilaya nyingine.

‘’Ni jukumu la ‘CHAPO’ na jumuia nyingine kuhakikisha wanawaelimisha wananchi, kutambua haki na wajibu wao kisheria, ili waishi kwenye bahari ya haki na kuvua samaki wa uadilifu,’’alieleza.

Hata hivyo, ameonya kuwa, bado jukumu la kutoa elimu, msaada na ushauri wa kisheria, utendelea kubakia mikononi mwa wasaidizi wa sheria wanaotambulika kisheria.

Kwenye uzinduzi wa mafunzo hayo, yanayotarajiwa kuwa ya siku 10, mgeni rasmi anatarajiwa kuwa Afisa Mdhamini wizara ya nchi, afisi ya rais, Katiba, Sheria, Utumishi na Utawala Bora Halima Khamis Ali.


Miongoni mwa waalikwa ni pamoja na Mwenyekiti wa Madiwani wilaya ya Chake chake, madiwani wa wadi za Wara na Kiboni, Mwenyekiti wa masheha, Katibu, Askari shehia na masheha wa shehia zote zinazounda Jimbo la Wawi.

                                                Mwisho  

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more