MSAIDIZI WA SHERIA WAWI, AKAGUZWA ARDHI INAYODAIWA KUVAMIWA NA SERIKALI


 

NA MWANDISHI WETU, CHAPO@@@@

MKURUGENZI wa Jumuiya ya Wasaidizi wa sheria wilaya ya Chake chake Nassor Bilali Ali, amewataka wamiliki wa ardhi wanaoishi mbali nazo, kujenga utamaduni wa kuzikagua kila, wakati, ili kuepushwa kuvamiwa.

Mkurugenzi huyo aliyasema hayo Machi 24, 2023, eneo Kwasharifuali shehia ya Wawi, wakati akizungumza na walalamikaji wa eneo hilo, walilodai kuvamiwa na Kiwanda cha mafuta ya makonyo zaidi ya miaka sita sasa, kwa shughuli za upandaji wa miti ya biashara.

Alisema, ardhi iliyokaa bila ya kuendelezwa na kisha mmiliki kushindwa kuipitia kila wakati, huwa rahisi mtu yeyote kuanzisha matumizi.

Alieleza kuwa, kama mmiliki anaishi mbali na ardhi husika, ni vyema wakaanzisha uwakala wa ulinzi wa ardhi zao, ili iwe rahisi kupatikana taarifa kwa aina yoyote ile ya matumizi.

Mkurugenzi huyo wa CHAPO alisema, wamekuwa wakijitahidi kutoa elimu kwa wananchi mbali mbali, juu ya umuhimu wa matumizi ya ardhi.



‘’Wananachi tunawashauri kama wana ardhi ambazo hawajakuwa tayari kuzitumia wao, basi wawape watu wengine kwa maandishi ya mkataba maalum, ili kuepusha wengine kuivamia,’’alieleza.

Katika eneo jingine, alisema ardhi sasa imekugeuka dhahabu kwa kila mmoja, hivyo ni wajibu wa kila mmiliki, kuhakikisha anairasimishi.

‘’Ardhi iliyopimwa, inakuwa na thamani mara mbili, na inaweza kutumika kama kizibiti cha kuombea mkopo katika taasisi mbali mbali za fedha,’’alifafanua.

Akizungumza kwenye ukaguzi huo, Msaidizi wa sheria Jimbo la Wawi Haji Nassor Mohamed, alisema baada ya kupokea malalamiko ya familia Machi 22, 2023, juu ya madai ya kuvamiwa ardhi yao, alifika kwa walalamikiwa.

Alisema kisha Machi 23, 2023 alifika kwa Uongozi wa Kiwanda cha Mafuta ya Makonyo Wawi, pamoja na uongozi wa shehia ya Wawi, juu ya kuwasilisha lalamiko husika.

Kisha uongozi wa Kiwanda cha Mafuta ya Makonyo, ilipofika Machi 24, ulipenda kukutanishwa na familia inayodai kuvamiwa eneo lao, na baada ya ukaguzi, mazungumzo ya awali yalifanyika.

''Mazungumzo ya awali baina pande mbili hizo, mbele ya Msaidizi wa sheria na sheha wa shehia ya Wawi yalifanyika, ingawa baada ya Kiwanda kudai kuwa wamekodishwa ardhi hiyo, familia inafuatilia Wizara ya Kilimo,''alieleza.

Hata hivyo Msaidizi huyo wa sheria, alisema tokea aanze kazi shehiani humo mwanzoni mwa mwaka huu, migogoro ya ardhi inaonekana kuchukua nafasi, kwani tayari ameshasaidia kufikia mwafaka kwa mgororo wa kuwania mpaka.






Sheha wa shehia ya Wawi Sharifa Waziri Abdalla, alisema alipokea malalamiko hayo, Machi 22, 2023 kwa familia ya Ali Hamad Kheir, ikilalamikia ardhi yao kuvamiwa.

Alisema alifikisha malalamiko hayo kwa uongozi wa Kiwanda cha mafuta ya makonyo Wawi, na kutaka kukutana na wanafamilia, wanaolalamika.

Alisema, amekuwa akipokea migogoro kadhaa ya ardhi, ingawa hatua ya kwanza ni kuzikutanisha pande mbili hizo, na kisha kuangalia, ikiwa sulhu imepatikana.

‘’Kwa sheria zilivyo, wao wenyewe kwanza hutakiwa kufanya mazungumzo ya awali, ikiwa hakuna shida wanaweza kumaliziana,’’alieleza.

Ali Salim Rashid, akizungumza kwa niaba ya familia yake, alisema eneo hilo hadi mwaka 2017, lilikuwa halijavamiwa kuwa kupandwa aina yoyote ya miti.






‘’Lakini kuanzia mwaka 2018, tuliona mmeshapandwa michai chai na mikaratusi, tulipofuatilia tuliambiwa ni mali ya Kiwanda cha mafuta ya makonyo Wawi, na tulianza kufuatilia hapo zamani,’’anasema.

Uongozi wa Kiwanda hicho, ulisema eneo hilo walilipata kutoka mikononi mwa wizara ya Kilimo, na wanalikodi kuanzia mwaka 2001 hadi sasa.

‘’Sisi ardhi hii tumekodishwa na wizara ya Kilimo, tokea mwaka 2001, na tunalipa kila mwaka, hivyo sisi hatujui ilipopatikana, inabidi familia inyolalamika, iende mbele zaidi,’’ulisema uongozi wa Kiwanda.

Kiwanda cha mafuta ya makonyo Wawi, katika eneo la Mtakata lina wastani wa ekari 550, kwa ajili ya shughuli za kilimo cha mchai chai na mikaratusi kwa ajili ya uzalishaji mafuta.

                                Mwisho  

 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more