WASAIDIZI WA SHERIA WAWI: 'VIJANA MSICHEZE CHEZE NA WATOTO OVYO OVYO WATAWAUMBUA'

 



NA MWANDISHI MAALUM, CHAPO

MSAIDIZI wa sheria Jimbo la Wawi Haji Nassor Mohamed, amewatahadharisha vijana wa shehia ya Wawi, kuacha kucheza cheza na watoto, kwani huwa rahisi kuwataja mara wanapofanyiwa vitendo vya udhalilishaji.

Kauli hiyo ameitoa Febuari 19, 2023 uwanja wa mpira wa miguu Wawi, wakati akizungumza na wanamichezo kabla ya kuanza kwa michezo ya ligi daraja la pili taifa, mkoa wa kusini Pemba.

Alisema ule utamaduni wa kucheza cheza na watoto wa kike na wakati mwengine kuwaita majina kama mchumba, wauwepuke, kwani wapo vijana ambao umeshawawek pabaya, baadhi ya watu.

‘’Kama kuna mtoto wa miaka 12, au 16 hadi 17 umekuwa ukipenda kumtania kwa kumuita mchumba, hili jambo tuwe makini nalo, maana mtoto akidhalilishaji na mtu asiyemju, huwa rahisi kumtaja aliyekaribu naye,’’alieleza.

Katika hatua nyingine, Msaidizi huyo wa sheria Jimbo la Wawi Haji Nassor Mohamed, amewaelekeza wanamichezo hao, kuwa kisheria mtoto ni mtu yeyote aliyechini ya miaka 18.





‘’Kwa mujibu wa sheria zetu, mtoto hana ridhaa, hivyo hata kama yeye atakuita kwao na kukufungulia mlango, lakini mkifanya tendo, hutafsiriwa kuwa ni ubakaji,’’alieleza.

Katika hatua nyingine, amewataka wanamichezo hao kushughulika na michezo na kazi nyingine za kujipatia kipato cha halali, na sio kujiingiza kwenye vitendo vya wizi.


Hata hivyo amewataka kila mmoja kuwa mlinzi kwa mwenzake, juu ya matumizi, kusambaaza, kuuza au kuingiza dawa za kulevya, kwani madhara yake ni makubwa.

Amewakumbusha kuwatumia wasaidizi wa sheria waliomo jimboni humo, ili kupata ufumbuzi wa mambo yao mbali mbali ya kisheria.

Mapema Katibu klabu ya mpira wa miguu ya Wawi star Juma Mohamed ‘Mgawaji’ alisema aliwakumbusha vijana hao, kujiepusha na visharia vyote vinavyowapeleka kwenye matendo ya kihalifu.


‘’Kama tuna msaidizi wetu wa sheria tumtumieni tunapokuwa na shida kwenye masuala ya kisheria, iwe jinai au madai, ili kupata ufumbuzi kabla ya kwenda juu zaidi,’’aleleza.

Kwa upande wake Msaidizi wa sheria wa Jimbo hilo Fatma Hilali, aliwasisitiza vijana hao, kujiheshimu na kuheshimiana, ili kulinda haki za binadamu.

‘Inapoishia haki yao ya bindamu, ndio inapoanzia ya mwenzako, sasa lazima hili tulijue ili kuhakikisha tunaishi kwa amani,’’alieleza.

Nae Mjumbe wa sheha wa shehia hiyo kutoka kijiji cha Mtemani shehia humo, Nassor Rashid Said, alimtaka Masaidizi huyo wa sheria, kuendelea kukutana na vijana kila wakati, kuwapa elimu kama hiyo.

‘’Sheria ni jambo pana na kubwa, sasa tukuomba leo isiwe ya mwisho, maana vijana wanakabiliwa na changamoto kadhaa, ikiwa ni pamoja dawa za kulevya, udhalilishaji na wizi,’’alifafanua.

                                 Mwisho

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more