MWAKILISHI WAWI ABARIKI CHAPO KUANZISHA DARASA LA SHERIA KWA WANANCHI

 



NA HAJI NASSOR, PEMBA::

MWAKILISHI wa Jimbo la Wawi Bakar Hamad Bakar, ameunga mkono, wazo la wasaidizi wa sheria Jimbo la Wawi, la kutaka kuanzishwa darasa maalum la kutoa elimu ya sheria, kwa wananchi wa shehia ya Wawi jimboni humo.

Alisema, wazo la wasaidizi hao wa sheria, kutaka kuanzisha darasa maalum, ni jambo la msingi, kwani elimu waliyopatiwa wao, itasambaa kwa upana.

Mwakilishi huyo aliyasema hayo, Febuari 19, 2023 wakati akizungumza na uongozi wa shehia ya Wawi, kwenye kikao maalum cha maandalizi ya darasa hilo.

Alisema, wananchi wanahitaji kupata elimu ya kujua haki na wajibu wao kwa jamii, samba mba na kupata uwelewa wa mambo ya kisheria.

‘’Kwanza niunge mkono wazo ambalo wenzetu hawa wasaidizi wa sheria Jimbo la Wawi, wameliwaza na mimi nitaunga mkono kwa hali na mali, ili kufanikisha darasa hilo,’’alieleza.

Katika hatua nyingine, Mwakilishi huyo wa Jimbo la Wawi aliwataka wasaidizi hao wa sheria, kuhakikisha darasa hilo linakuwa endelevu, kwa kundi jingine hapo baadae.

Kwa upande wake Sheha wa shehia ya Wawi Sharifa Waziri, alisema amelipokea wazo hilo la kuanzisha darasa maalum la elimu ya sheria, kutoka kwa wasaidizi wa sheria jimboni humo.

‘’Tayari tumeshawateua vijana 10 ambao wataungana na wajumbe tisa wa shehia, katika darasa hilo ambalo linatarajiwa kuanza mwezi ujao,’’alieleza.

Hata hivyo sheha huyo alisema, atahakikisha darasa hilo linakuwa endelevu, ili makundi mengine ndani ya shehia hiyo, yaweza kufaidika na elimu hiyo.

Mkurugenzi wa Jumuiya ya wasaidizi wa sheria wilaya ya Chake chake ‘CHAPO’ Nassor Bilali Ali, alisema wameamua kuanzisha darasa hilo, ili elimu ya sheria ifike kwa upana kwa jamii.



‘’Mikutano yetu ya kila shehia ya kukutana na makundi mbali mbali ya jamii kuwaelimisha juu ya mambo ya udhalilishaji, dawa za kulevya na migogoro ya ardhi, ipo kama kawaida,’’alieleza.

Hata hivyo Mkurugenzi huyo alisema, gharama za uendeshaji wa mafunzo hayo yanayotarajiwa kuwa ya siku 10, zitabebwa na ‘CHAPO’ kwa kushirikiana na wadau wengine, ili kuhakikisha jamii, inapata elimu.

Hata hivyo alisema darasa hilo litakuwa kwa wilaya nzima, ingawa kwa kuanzia litaanzia shehia ya Wawi Jimbo la Wawi, kama eneo la majaribio.

Kwa upande wake Msaidizi wa sheria wa jimboni humo Fatma Hilali, alisema baada ya kufikiria waliona ni vyema sasa kuzaa wazo hilo, ili kuhakikisha elimu inasambaa.

‘’Tuliona tuanzishe darasa maalum, ambalo litakuwa na wananchi 20 kwa hatua za awali, ili kuwa nao darasani, kwa lengo la kuwasomesha sheria,’’alieleza.



Mmoja kati wanafunzi tarajiwa kwenye darasa hilo Issa Omar, alisema watahakikisha wanashiriki vyema kwenye darasa hilo, mwanzo hadi mwisho.

Nae Afua Ali Hamad, alisema wamefurahishwa mno na uamuzi wa wasaidizi wao wa sheria wa kuanzisha darasa maalum.

                            Mwisho    

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more