MKURUGENZI 'CHAPO' AWAVUTIA PUMZI WAJUMBE WATORO WA VIKAO

 



NA HAJI NASSOR, PEMBA:::

MKURUGENZI wa Jumuiya ya wasaidizi wa sheria wilaya ya Chake chake Pemba ‘CHAPO’ Nassor Bilali Ali, ameelezea kusikitishwa kwake na baadhi ya watendaji wa jumuiya hiyo, kukumbwa na dharura kila panapoitishwa vikao.

 

Alisema, wapo baadhi ya watendaji sasa wamekuwa ndio ugonjwa wao usio na tiba wa kutohudhuria vikao, jambo ambalo kwa baadhi ya wakati, hurejesha nyuma mipango na mikakati yao.

 

Mkurugenzi huyo ameyasema hayo, Novemba 5, mwaka 2022, ofisini kwake mjini Chake chake, wakati akizungumza na watendaji wake, kwenye kikao cha robo ya nne ya mwaka.

 

Alisema vikao ni sehemu muhimu ya kutengeneza, kuunda au kuamua jambo husika kwa maslahi ya wananchi wa wilaya ya Chake chake, sasa ikiwa kuna wajumbe ni wagonjwa kwa dharura wanaweza kukwamisha jitahada.

 

Alisema kuanzia sasa ‘CHAPO’ itakuwa wakali kwa wajumbe watoro na wasiopenda kufuata wakati wa vikao husika, kwani kinyume chake, wanaweza kukwamisha baadhi ya mambo.

 


Alieleza kuwa, inafamika kuwa kila mmoja anayotaasisi anayoifanyia kazi, lakini haina maana kuwa, wanapokuwa na shughuli zao, iwe vigumu wengine kuhudhuria.

 

‘’Ni kweli ndani ya wasaidizi wa sheria, tunao ambao ni watumishi wa umma, lakini tukumbuke tumebeba mazingo wa jamii wa kuwahudumia kisheria,’’alieleza.

 

Katika hatua nyingine Mkurugenzi huyo, aliwasilisha yatokanayo na mkutano uliofanyika Dodoma hivi karibuni, chini ya ufadhili wa mfuko huru wa msaada wa kisheria ‘LSF’ ambao umesisitiza uwajibikaji.

 

‘’Kutakuwa na ufuatiliaji wa taasisi yetu na hata msaidizi wa sheria mmoja mmoja katika jimbo, shehia na kijiji, ili wanaofanya ufuatiliaji na tathmini, wajiridhishe.

 


Nae Mratibu wa Jumuiya hiyo Mohamed Hassan Abdalla, alisema ni vyema kila mmoja, kuanza kujipanga upya katika utendaji wake wa kazi, ili kuona ‘CHAPO’ inazidi kupata heshima kwa jamii.

 

‘’Sisi kwa Zanzibar ndio jumuia ya pili kutuma ripoti ya mwaka, sasa lazima tujipange, tushirikiane na tusaidiane, ili ubora na utendaji wetu upande juu,’’alieleza.

 

Msaidizi Mratibu wa ‘CHAPO’ Khadija Said Khalfan, alisema ni vyema kwa wanaopata mafunzo, kuhakikisha wanaporudi wanawawezesha na wenzao.

 


‘’Haiwezekani mtu anakwenda mafunzo akirudi anayaweka kapuni, na kama tukiendelea na utamaduni huu, itakuwa ndani ya CHAPO wataalamu ni kidogo,’’alishauri.

 

Nao wasaidizi wa sheria wa Jimbo la Chake chake Abeda Said na Mashavu Juma Mabroku, walisema lazima mkazo uwekwe wa kuendelea kushirikiana kama zamani, wakati wa utoaji wa elimu ya kisheria vijijini.

 

Kwa upande wake mshika fedha wa CHAPO Riziki Hamad Ali, alisisitiza suala la ulipaji wa ada na michango kwa wale wanaopata mikutano kupitia Jumuiya hiyo.

 




Katika kikao hicho cha robo ya mwisho wa mwaka, wasaidizi wapya wa sheria watano, wametakiwa kuwa karibu na wasaidizi waliowatangulia ili kupata uwelewa.

 

Jumuiya ya wasaidizi wa sheria wilaya ya Chake chake Pemba, ‘CHAPO’ ambayo shughuli zake kuu ni kutoa elimu, ushauri na msaada wa kisheria bila ya malipo, inawahudumia wananchi wa shehia 32 zilizomo kwenye majimbo ya Chake chake, Wawi, Ole, Chonga na Ziwani.

               Mwisho   

 

 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more