CHAPO: WANANCHI CHAKE CHAKE ENDELEENI KUSHIRIKI ZOEZI LA SENSA



 NA HAJI NASSOR, PEMBA

JUMUIYA ya wasaidizi wa sheria wilaya ya Chakechake 'CHAPO' imewakumbusha wananchi wilayani humo, kuendelea kushirikiana na makarani wa sensa, ili kufanikisha zoezi hilo.

Wito huo umetolewa leo August 25, mwaka 2022 na Mkurugenzi wa 'CHAPO' Nassor Bilali Ali wakati akizungumza na mwandishi wa habari hizi, juu kuelekea zoezi linaloendelea la sensa ya watu na makaazi. 

Alisema ni vyema kwa wananchi kuhakikisha wanaandaa na kupanga shughuli zao vizuri, ili makarani wa sensa watakopfika kutaka taarifa iwe rahisi kupatikana.

Mkurugenzi huyo alisema zoezi hilo huja kila baada ya miaka 10, hivyo ni wajibu kwa wananchi kufurahia na kushiriki vyema, ili serikali iweke mipango na mikakati yake vyema vya maendeleo.

"Wananchi wa wilaya ya Chakechake tunawaomba kuwa tayari zoezi hilo la sensa limeshaanza tokea August 23, mwaka huu, hivyo ni wajibu kwao kushirikiana na masensa pale watakapofika kwenye maeneo yao kwa kuhesabiwa,"alisema.

Katika hatua nyingine Mkurugenzi huyo wa CHAPO, amewataka wananchi hao wa wilaya ya Chakechake kwa wale ambao watakuwa na dharura wakumbuke kuacha taarifa rasmi majumbani, ili iwe rahisi kwa makarani.

Alifafanua kuwa, moja ya viambatanisho ni vitambulisho husika ili kuwasaidia makarani kupata taarifa kwa kina.

Hata hivyo amewakumbusha wananchi hao kuto taarifa za ukweli kwa makarani hao, ambazo hizo zitasaidia katika kupatikana kwa kweli zitakazosaidia kwa taifa.

"Taarifa hizo zitakuwa ni siri baina ya makarani na mtoa taarifa, hivyo ni vyema wakalijua hilo,"alifafanua.

Nae mtendaji wa CHAPO Mohamed Hassan alisema zoezi hilo lipo kwa mujibu  wa sheria za nchi, hivyo ni kosa kulikwepa.

Kwa upande wake Mratibu wa miradi kutoka 'CHAPO' Siti Hamad Ali amewakumbusha wazazi na walezi kutowaficha watoto wao wenye ulemavu.



"Hata watoto wenye ulemavu wanatakiwa nao wahesabiwe hivyo, hakuna haja ya kuwaficha maana nao wanatakiwa taarifa zao zipatikane,"alifafanua.

Hivi karibuni Mkuu wa wilaya ya Chakechake Abdalla Rashid Ali amewataka makarani wa sensa kutumia lugha nzuri wakati wanapowahudumia wananchi..

Zoezi la sensa la watu na makaazi ambalo hufanyika kila baada ya miaka 10, limerejea tena August 23 mwaka 2022 baada ya kumalizika la mwisho mwaka 2012.

Mwisho 

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more