CHAPO YATAMBULISHA MRADI KWA WATENDAJI WAKE

 



NA HAJI NASSOR, PEMBA

JUMUIYA ya Wasaidizi wa sheria wilaya ya Chake chake Pemba ‘CHAPO’ Julai 23, mwaka huu, inatarajia kuzindua mradi wa mwezi mmoja wa ‘Kujenga uwelewa kwa jamii katika kuzuia migogoro itokanayo na matumizi ya ardhi, kwa shuguli za uwekezaji Pemba.

Mradi huo ambao unatarajiwa kumalizika Augosti 30, mwaka huu, unatarajiwa kutekelezwa katika shehia tatu za Mfikiwa, Pujini na Dodo ukifadhiliwa na tasisi ya ‘the foundation for Civil Society ya Tanzania’.

Akitoa taarifa ya namna ya utekelezaji wa mradi huo mbele ya watendaji wa CHAPO, kwenye kikao kilichofanyika ofisini kwao Chake chake, Mkurugenzi wa ‘CHAPO’ Nassor Bilali Ali, alisema upatikanaji wa mradi huo, ni faraja kwao.

Alisema, ni sahihi katika maeneo yenye uwekezaji suala la uwepo wa migogoro ya ardhi, baina ya wananchi na wawekezaji huwa haliepukiki, na ndio maana wametafuta mradi huo.

Alieleza kuwa, CHAPO kwa kushirikiana na wafadhili wao, watakuwa na mikutano miwili ya ndani, na mikutano mitatu ya wazi kwa jamii za shehia hiyo.

‘’Mkutano unaotarajiwa kufanyika Julai 23, skuli ya Pujini utahusisha wanajamii 15 wakiwemo masheha na wasaidizi wa sheria 12, lengo na kuutangaza mradi huo, pamoja na kuona hali halisi ya ufahamu wa wananchi,’’alieleza.

Katika hatua nyingine Mkurugenzu huyo, amewataka watendaji wa ‘CHAPO’ kujipanga vyema, ili kuhakikisha wanautekeleza vyema mradi huo, na kwa ufanisi.



‘’Moja ya jukumu la ‘CHAPO’ ni kuendelea kutoa elimu ya kujikinga na migogoro kama ya ardhi kwa jamii, lakini sasa baada ya wenzetu wa foundation kutuunga mkoano, lazima na sisi tusimame wima,’’alisisitiza.

Mratibu wa mradi huo Riziki Hamad Ali, alisema kilichobakia kwa watendaji wa ‘CHAPO’ kwa watakaobahatika kupata elimu hiyo, ni kuisambaaza katika maeneo mengine.



Alieleza kuwa, kila msaidizi wa sheria ana wajibu wa kuhakikisha jamii iliyomzungumka, inapata uwelewe japo mdogo, ya namna ya kujiepusha a migogoro ya ardhi, iwe kwa mwekezaji au serikali kuu.

‘’Mradi huu ni wa muda mdogo, lakini sisi kama wasiaidizi wa sheria, baada ya kumalizika tuendelee na kazi ya kuisaidia jamii katika kujitenga na migogoro ya aradhi au kuitatua,’’alifafanua.

Nao Mohamed Hassan Ali pamoja na Abeda Adi Seif waliipongeza foundation, kwa kuamua kuichagua ‘CHAPO’ na kuwaamini katika utekelezaji wa mradi huo.



Zaidi ya tasisi tisa zimepata ufadhili wa utekelezaji wa mradi huo, wa mwezi mmoja, wenye wastani wa shilingi milioni 11.

                     Mwisho          

Comments

Post a Comment

Popular posts from this blog

AFISI YA MWANASHERIA MKUU ZANZIBAR YAKUSANYA MAONI SHERIA YA MSAADA WA KISHERIA

Image
  NA HAJI NASSOR, PEMBA @@@@ AFISA Mdhamini wizara ya Nchi Afisi ya Rais, Katiba, Sheria, Utumishi na Utawala Bora Pemba, Halima Ali Khamis, ameitaka Afisi ya Mwanasheria Mkuu Zanzibar ‘AGCZ’ kurudi tena kwa wadau, baada ya kuyachakata maoani ya sheria nambari 13 ya mwaka 2018 ya Msaada wa Kisheria Zanzibar.   Mdhamini huyo aliyasema hayo leo Novemba 13, 2025 , ukumbi wa wizara ya Fedha Pemba, alipokuwa akifungua kikao kazi, cha kukusanya maoni ya sheria ya Msaada wa Kisheria, mbele ya wadau wakiwemo wasaidizi wa sheria, Polisi, Masheha na wadau wa haki za binaadamu. Alisema itapendeza zaidi, baada ya kukusanya maoni hayo kwa Afisi ya Mwanasheria Mkuu kurudi tena kwa wadau, ili kujadiliana kabla ya kuandikwa, kama sheria ya msaada wa kisheria. Alieleza kuwa, wadau wanataka kuona maoni yao, ikiwa yamezingatiwa kwa kiasi gani, kwenye uandikwaji wa sheria hiyo upya hapo baadae. ‘’Niwaombe sana wenzetu wa ofisi ya 'AGCZ', mkumbuke kurudi tena kwa wadau, baada ya kukusanya ...
Read more

MKURUGENZI HANIFA, AWAUMA SIKIO WANANCHI WAWI HAKI ZA BINAADAMU

Image
      NA HAJI NASSOR, PEMBA@@@@ MKURUGENZI wa Idara ya Katiba na Msaada wa Kisheria Zanzibar, Hanifa Ramadhan Said, amewataka wananchi wa shehia ya Wawi wilaya ya Chake chake, kulindiana haki zao za binaadamu, ili kujengeana heshima baina yao.   Hayo aliyasema leo August 11, 2025 eneo la Kwa Gerei shehiani humo, wakati akizungumza na wananchi hao, kwenye mkutano wa wazi wa kutoa elimu ya haki za binaadamu.   Alisema kila mmoja anawajibu wa kumlindia haki za binaadamu mwenzake, na kufanya hivyo kutajengeana heshima miongoni mwao.   ‘’Haki za binaadamu ni pamoja na ile ya kuishi na kupata faragha, sasa kama kila mmoja atamlindiana mwenzake, heshima kwa wananchi, itaongezeka,’’alisema.   Hata hivyo Mkurugenzi huyo wa Idara ya Katiba na Msaada wa Kisheria, amewakumbusha wananchi hao, kuwatumia wasaidizi wa sheria, waliomo ndani ya shehia, ili kupata ufafanuzi wa changamoto zao za kisheria.   Mapema Afisa sheria kutoka Ofisi ya M...
Read more

‘WANANCHI HAWANA MAMLAKA YA KUONDOSHA UHAI WA MTU’

Image
  NA HAJI NASSOR, PEMBA@@@@ WANANCHI wa shehia ya Mchakwe na Mwambe wilaya ya Mkoani, wamekumbushwa kuwa, ni kosa la kisheria, kujichukulia sheria mikononi, kwa kuondoa uhai wa mtu, kwani kufanya hivyo, ni kuzipokonya kazi mamlaka zilizopo kisheria. Hayo yalielezwa jana August 12, 2025 na Wakili wa serikali kutoka ofisi ya Mwanasheria Mkuu wa serikali Safia Saleh Sultan, wakati akizungumza na wanachi hao, kwenye mkutano wa wazi, ulioandaliwa kwa pamoja na Idara ya Katiba na Msaada wa kisheria Zanzibar na kufanyika shehiani humo. Alisema, zipo mamlaka ikiwemo mahakama, ndio ambayo inaweza kutoa adhabu ya kifo, ikiwa mshitakiwa atatiwa hatiani. Alieleza kuwa, imezoeleka kuona wananchi wanajichukulia sheria mikononi, mara wanapomkamata mtuhumiwa, jambo ambalo, wajibu wao ni kumfikisha mbele ya vyombo vya sheria. Wakili huyo wa serikali, alisema mahkama pekee ndio ambayo kisheria imepewa nguvu za kisheria, kuondoa uhai wa mtu, ikiwa nae amebainika kuua kwa maksudi. ‘’Imek...
Read more